Joni 14 - 인기 성경 구절

공유

Au sa yalata vei kemudou na vakacegu, au sa solia vei kemudou na noqu vakacegu; au sa sega ni solia vei kemudou, me vaka sa solia ko vuravura. Me kakua ni rarawa na yalomudou, se rere.

Sa kaya vua ko Jisu, Oi au na sala, kei na vu-ni-dina, kei na vu-ni-bula; sa sega ni torovi Tamaqu e dua na tamata, a ya e na vukuqu ga.

ME kakua ni rarawa na lomamudou: dou sa vakabauta na Kalou; dou vakabauti au talega.

Ia na Dauveivakacegui, a Yalo Tabu, o koya ena tala mai ko Tamaqu e na yacaqu, ena vakavulici kemudou e na ka kecega, ka va-kasa tale na lomamudou mo dou nanuma na ka kecega kaʼu a vosataka vei kemudou.

O koya sa nanuma na noqu vunau ka talairawarawa kina, sai koya o qo sa lomani au; ia ko koya sa lomani au ena lomani koya ko Tamaqu, ia kaʼu na lomani koya, ka vakatakilai au vua.

Ia kaʼu na masuti Tamaqu, ena qai solia vei kemudou e dua tale na Dauveivakacegui, me tiko ga kei kemudou ka tawa mudu; a Yalo sa vu ni ka dina, o koya era sa sega ni vakabauta rawa na kai vuravura, e na vuku ni ra sa sega ni raici koya se kilai koya: ia sai kemudou ga sa kilai koya: ni sa tiko vata kei kemudou ko koya, ka na curumi kemudou.

Ia na ka kecega dou na kerea e na yacaqu, au na kitaka, me vakarokorokotaki na Tamaqu e na vuku ni Luvena. A ka kecega dou na kerea e na yacaqu, au na kitaka.

Kevaka dou sa lomani au, dou talairawarawa ki na noqu vunau.

Sa vuqa na tikina e na vale nei Tamaqu: kevaka sa sega, au sa tukuna vei kemudou. Au sa lako meʼu vakarautaka na tikina me nomudou.

Ia kevaka kaʼu sa lako ka vakarautaka na tikina me nomudou, au na lako tale mai, ka kauti kemudou vei au; mo dou tiko talega kina e na vanua kaʼu sa tiko kina.

Sa kaya vua ko Tomasi, Turaga, keitou sa sega ni kila se ko sa lako kivei; ia keitou kila rawa vakaevei na sala?