Chenesis 17 - 인기 성경 구절

공유

Atuk o̱ Eblam ʋt afʋmmi pokoli chakkali akucha chakkali ma, Chihowah yʋt Eblam a̱ i̱ haiaka cha, Chitokaka Nan isht im aia̱hli ataha iksho sia hoke: sa tikba ya ish anoho̱wa cha, ish aia̱hlashke.

Micha himak pilla hoka chi hohchifo hʋt Eblam ah he keyu, amba chi hohchifo hʋt Eblaham ah hi oke: oklushi la̱wa ho̱ i̱ki ya chi̱ ho̱ chikbi li hoka.

Micha ʋno ʋt chishno, micha chim ishtatiaka et chiakaiya aiena kʋt ai itishalit mihinti ka̱ nana itim apesa bilia mak o̱, kʋllochit chitim apesa lish, chishno, micha chim ishtatiaka et chiakaiya aiena ka̱ in Chitokaka sia ha chi̱ hoke.

Ʋno yokʋto yakeh, nana chitim apesa li ʋt itoyulʋshke; yohmi ka̱ oklushi la̱wa ho̱ i̱ki chia ha chi̱ hoke.

Mihma Chitokaka yʋt, Chi tekchi Salah ʋt ʋlla nakni yo̱ chim eshi pulla chi̱ hoke; mikma Aisak ish hochifa chi̱ hoke: mikma nan itim apesa bilia mak o̱ yʋmma, micha im ishtatiaka et iakaiya aiena ka̱ kʋllochit nan itim apesa la hi oke.

Mikmʋt Kenan yakni ʋt moma, okla inla yosh ish ai ahanta yakni ya̱ chishno, micha chim ishtatiaka et chiakaiya aiena kʋt hʋchi̱ yakni bilia chi̱ ho̱ hʋch ima la chi̱ hoke: mikmʋt in Chitokaka sia ha hi oke, achi tok.

Yohmi ma Eblaham ʋt hlipia cha, yukpa mʋt, chu̱kʋsh anu̱ka̱ka, Afʋmmi tahlepa achʋfa kʋt ʋlla im asha chi̱ cho? mikma Salah ʋt afʋmmi pokoli chakkali kʋt ʋlla esha chi̱ cho? achi tok.

Mikma Chitokaka yʋt Eblaham a̱, Chi tekchi Salai ak okʋno Salai ish hochifa he keyu, amba hohchifo hʋt Salah yashke.

Micha hʋchi tikba hakshup nipi ya̱ hʋsh tʋblashke; mikma yʋmmak osh nan itim apesa yash osh ʋno, micha hʋchishno hʋpitin takla ya̱ itoyula ka̱ isht atokowa ya hi oke.

Yohmi kia Aisak yʋmmak oka afʋmmi inla nitak ʋlhpisa ʋt ont ʋlhpesa himak a̱ chohmikma, chi tekchi Salah ʋt chim esha he ak o̱, kʋllochit nan itim apesa la hi oke, achi tok.

Mikma hʋchim ai itishali puta ka̱ ʋlla nakni yosh nitak untuchina ho̱ hʋchitin takla ya̱ aiasha kʋt momʋt hakshup tʋpashke; chuka ai ʋtta tuk, keyukmʋt okla inla, chim ishtatiaka keyu puta ho̱ chin tʋli holisso ha isht ʋlhtoba tuk. Chin chuka ai ʋtta tuk, micha chin tʋli holisso ha̱ isht ʋlhtoba tuk aiena kʋt hakshup tʋpa pullashke: mikma a̱ nan itim apesa yʋt hʋchi nipi ya̱ nana itim apesa bilia mako̱ foyuka hi oke.