Svun Mateo 13 - 인기 성경 구절

공유

Li bec' trigo ti ic'ot ta lequil balamile, ti iyac' ciene, ti iyac' oxvinique (60), ti iyac' lajuneb xcha'vinic (30) ta p'ej sbeq'ue, ja' ti much'utic cha'iic li sc'op Rioxe xchi'uc ti lec xa'ibeic smelole.» ―X'utatic yu'un ti Jesuse.

Li bec' trigo ti ic'ot ta ch'ixtique, ja' ti much'utic ya'yojic xa li sc'op Rioxe, pero ja' chbat ta yo'onic li c'usitic oy ta sba balamile xchi'uc ti ja' lo'lobilic o ti tsc'an chc'ulejajique; ja yolontabil chcom li sc'op Rioxe, yech'o ti mu satinique.

Ti c'alal oy much'u cha'ibe sc'oplal li cuentainel yu'un ti Rioxe, mi mu xa'ibe smelole, ja' c'u cha'al li bec' trigo ti ic'ot ta bee; ta xtal ta ora ti pucuje, ta spojbe loq'uel li c'usi ts'unbil xa'ox ta yo'one.

Li bec' trigo ti ic'ot ta tontique, ja' ti much'utic c'alal cha'iic li sc'op Rioxe, ora ta xch'unic, jun xa yo'onic yilel, pero ta scoj ti muc'bu nat yalem li yisime mu xjalijic. C'alal chtal li svocolique, c'alal chich'ic ilbajinel ta scuenta li sc'op Rioxe, ta ora chlic chibajicuc, ta xicta o sbaic.

»Ti c'u x'elan tspasvan ta mantal ti Rioxe, ja' yech chac c'ucha'al taq'uin ti mucul ta lum ista jun vinic ta jset osile. Ti c'alal istae ixcha' muc comel, xmuyubaj xa sutel. Ba xchon scotol li c'usuc yu'une, isman li jset osil yo' bu mucul li taq'uine ―xi ti Jesuse.

Oy jlom ta lequil balamil ic'ot. Lec ich'i, ibeq'uin. Oy iyac' cien, oy iyac' oxvinic (60), oy iyac' lajuneb xcha'vinic (30).

Teyuc to ac'u ch'iuc xcha'tosol. Ja' to c'alal sta yora chich' loq'uele, ta xcalbe li much'utic tsloq'uique ti ac'u st'ujic loq'uel ba'yuc li chopol jobele, ac'u xchuquic yu'un ta xich' chiq'uel. Ts'acal to ta tsloq'uic li jtrigoe, ta xch'olic ta stenal.”» ―X'utatic yu'un ti Jesuse.