योहन 12 - 인기 성경 구절

공유

अदी कोनी मोरो दास बननो चाव्हासे तो मोरो मंघा चले, जिता मि सेउ, उता मोरो चेला भी रव्हेत, अदी कोनी मोरी सेवा करनो चाव्हासे ता बाबूजी ओको मान करेत।

जोन आपरो जान लक माया करासे, उ ओला नास करासे, अना जोन यो संसार मा आपरो जान लक बैर करासे, उ ओला अमर जिन्दगी कोलाय सुरक्सित राखासे।

मि तुमी लक खरो सांगासेउ जबा तकन गँहु को बीज माती मा पड़के मर नही जासे तबा तकन उ एकलो रव्होसे, पर अदी उ मर जावासे ता लगत फर देवासे।

मि जगत मा उजाड़ो होयके आईसेऊ, एकोलाय जोन कोनी मोरो पर भरोसा करेत, उ इंधारो मा नही रव्हेत।

अदी कोनी मोरी गोस्टी ला आयकसे अना नही मानासे ता मि ओला सजा नही देहु। काहेकि मि जगत ला अपराधी ठहरावन को लाय नही, पर जगत ला सूटकारा देवन ला आईसेऊ।

तबा मरियम ना जटामाँसी को ढाई किलो सुध्द कीमती इतर आनके यीसु को पाय पर डाकीस, अना चुन्दी लक ओको पाय ला मलन लगीस अना इतर की महक लक सारो घर महकन लगयो।

लोकगीन खजुर की डारी लेईन, अना ओला मिलन को लाई हिटिन। “अना चिल्लाके कव्हन लगीन।” बड़ाई होय, “धन्य से इसरायल को राजा।” जो पिरभू को नाव लक आवासे।

यीसु ना उन लक कहीस, उ बेरा आय गईसे, जबा मानूस को टूरा महिमा ला पाय लेहे।