1
मत्ती 18:20
ल्होमी
ॱनी मीरङ् ॱङी ॱसुम् च्यीक् घदु ङे मीङ्गी धो़न्दु जोम्गो़दङ् हुबे घुङ्दु ङ युङ्गेन् झ्यीब बेत्।
비교
मत्ती 18:20 살펴보기
2
मत्ती 18:19
ङे हरुङ्द खीत्रङ्ल गन्दीय ॱस्येत् योङ्। ॱस जम्बुलीङ् हीदु खीत्रङ् ॱसु हीन्न अक्, मीरङ् ॱङी थी़न्न घन्ड लीङ्गो़दङ् हुगो तेङ् यी़न स्युगेन् ङे यप्की खीत्रङ्ल ॱनङ्गेन् बेत्।
मत्ती 18:19 살펴보기
3
मत्ती 18:2-3
ॱनी खोङ्गी भीज च्यीक् भो़न ॱलोप्टुक् दीबे घुङ्दु टङील स्यक्न खोङ्गी हुबल ङे खीत्रङ्ल गन्दीय ॱस्येत् योङ्। खीत्रङ् ॱसीम् ज्युर्न भीज घयेत् डस्सील झ्युङ्न मेन्द, तेङ् यी़गी ज्यागक्ल स्युक् ॱमीत् छुगेन् बेत्।
मत्ती 18:2-3 살펴보기
4
मत्ती 18:4
मी ॱसु भीज हीगो डस्सी ॱनोम्ज्युङ् झ्यीगुक्क हुगो तेङ् यी़गी ज्यागक्तु छ्यीस्स्योल युङ्गेन् बेत्।
मत्ती 18:4 살펴보기
5
मत्ती 18:5
ङे मीङ्गी ढीक्ल हीगी भीज हीगो डस्सील मी ॱसी़ थोङ् झ्यीगुक्क हुगी ङल झ्यीबल डोगेन् बेत्।
मत्ती 18:5 살펴보기
6
मत्ती 18:18
हीगी ढीक्ल ङे खीत्रङ्ल गन्दीय ॱस्येत् योङ्। ॱस जम्बुलीङ्दु खीत्रङ्गी घन्ड मीत् युङेत् सीक्को़दङ् हुगो तेङ् यी़दु उक् हुन्दुक् दीरङ् युङ्गेन् बेत्। ॱनी ॱस जम्बुलीङ्दु खीत्रङ्गी घन्ड युङेत् सीक्को़दङ् हुगो तेङ् यी़दु उक् हुन्दुक् दीरङ् युङ्गेन् बेत्।
मत्ती 18:18 살펴보기
7
मत्ती 18:35
ॱनी हीगो डस्सी खीत्रङ् पी़न्ज्या नङ्दु उक् च्यीक्तङ् च्यीक्की ङीबे दीक्प ॱसीम्बे यीक्नीरङ् धक्तु ॱमत् ची़त्न ॱनी, तेङ् यी़न स्युगेन् ङे यप्की इक् खीत्रङ्ल धक्तु ॱमीत् ची़प्प, हुन्दुक् दीरङ् झ्यीक्केन् बेत् झ्यीब बेत्।
मत्ती 18:35 살펴보기
8
मत्ती 18:6
ॱनी ङल छ्य स्योक्केन् हीगो डस्सीगी मी च्युङेत्मु च्यीक् मी ॱसी़ ङे लम्नी दीक्पल छ्यी़दु ची़क्कुक्क हुगोल बोर ओक्म दील लागोर् गर्चम च्यीक् डान छ्यु ज्यम्जो छ्यीम्मु तीङ्रीङ्मुल पुर् तङ्न, गा युङ्गो़ट्टो।
मत्ती 18:6 살펴보기
9
मत्ती 18:12
खीत्रङ्गी ॱसीम्ल आक् हीगो डस्सी युङ्गेन् मेम्बेक्क ॱनी? मी च्यीक्ल लुक् ज्य च्यीक् यो़क्केन् बेत्। ॱनी हुगी मज्यु दीनी लुक् च्यीक् तोर्न खुर्न ॱनी, हुनी हुगी लुक् गुप्च्यु घोर्कुब दी पक्कल स्यक्नी दक्पु दी हुगी च्यीक्पु दी ॱयेङ्दु डोगेन् मेम्बेक्क ॱनी?
मत्ती 18:12 살펴보기
홈
성경
묵상
동영상