Jowǎ̤ni̤ 3 - 인기 성경 구절

공유

“Cǒmara mo̤ǐ lǒ̤꤮ bò kòyòhǎkhû̌phû̌. Kòyò lǒ̤꤮ bò htě a yṳǎ aphû̌khû toǒnu, ma̤pûhǐ a nî̤bǎ yolahtûpwa̤ tûjûpwa̤ dě a to̤ pûma̤ ta ta̤pî̌ta̤lṳ̂ tò̤nu, a ǐlò̤kè aphû̌khû htǒo tapwa̤nu ta kòyòhǎkhû̌phû̌ toǒ aya.

Ma̤tè̤hî̌dě, Cǒmara nohèlò̤ aphû̌khû dě a glè cèrò kòyòhǎkhû̌phû̌ ayanu mè̤tò̤. Mî̌tanu a nohè nû̌û dě a hè ma̤lû̌htò̌ge kòyòhǎkhû̌phû̌ aya nupwǎ.

Ye̤shǔ hî̌shǔ yǎ, “He hî̌ mè̤mè̤̌ na, kòyò htě a ǒphijaû̌lò̤ gesǒ taplǎpe tò̤ toǒnu, a kè̌shǐbò̌ Cǒmara ashiaga dǐpwǎ̤tò̤.”

Kòyò htě a yṳǎ phû̌khû toǒnu, Cǒmara cèrò asî tò̤. Kòyò htě a yṳǎ phû̌khû tò̤ toǒnu, Cǒmara cèrò asî pě, ma̤tè̤hî̌dě, a yṳǎ kû̌kò Cǒmara aphû̌khû htě a ǒ tû̌ tapwǎ̤pa htǒotapwa̤ tò̤ akhû̌akhî, a cèrò asî.

Ma̤tèdě asî khòbǎ ta̤cèrò hǐnumî̌, Cǒmara ata̤lî hènṳ dě hǎkhû̌bǎo hǐnudě kòyòhǎkhû̌phû̌ toǒ sò̌yṳ ta̤lî htǒonu tò̤ ma̤tè̤hî̌dě asî ma̤ ta̤phû̌mò̤shî̌hto toǒ akhû̌akhî, a mo̤ǐkhlo ta̤khǐ.

A mî̌ a tobǎ lo̤bǎdû̌khlo, he mî̌ a tobǎ lo̤bǎpî̌tî̌khlo.

Lǒ̤꤮ bò kòyò htě a ma̤ ta̤phû̌mò̤shî̌hto toǒnu, a sò̌khě ta̤lî dě a hè ta̤lî a ǒ tò̤, ma̤tè̤hî̌dě kòyò htě a ma̤ ta̤phû̌mò̤shî̌hto toǒnu, a ǐsha ta a ta̤sǔta̤plě toǒ ǒlṳhtò̌ dě a hè tò̤.

Kòyò htě a yṳǎna̤ǎ phû̌khû htǒotapwa̤ toǒnu, a nî̤bǎ yolahtûpwa̤ tûjûpwa̤. Dě kòyò htě a gana̤de kû̌kò tò̤ dě a yṳǎna̤ǎ kû̌kò phû̌khûhtǒo tò̤ toǒnu, a nî̤bǎ kû̌kò ta̤htûpwa̤ tò̤. Cǒmara a ta̤cèrò lò̤ǒ dě kòyònu toǒ alo̤.”

Pwǐ Mǒ̤jè děwǐnukha bè̌htò̌ wṳ̂tîlîbò ayo̤ dě hǐtṳlo̤nu, kòyòphû̌khû mî̌ he htǒo kò bè̌htò̌dǒ he pě.

Pha Cǒmara mo̤ǐ aphû̌khû dě a ǐlò̤bò nû̌û ta̤pṳ̂̌꤮ tacǎ a cǔdekû hǒ.