मत्ती 7 - 인기 성경 구절

공유

लाङ्दो ले ज्योर्केन एः, छोल्दो ले फ्रेकेन एः, कोः तुःङ्दो ले ख्योक्याइ लागी कोः फ्यागेन एः।

चीलेलाःना काःखोइ लाङ्‍गुबा ओःखोइ ज्योर्कुए, काःखोइ छोल्गुबा ओःखोइ फ्रेकुए, ओःले काःखोइ कोः तुःङ्‍गुबा ओःखोइ लागी कोः फ्याउए।

ओः सोङ्‍गारा, ङाःइ लाःक्योक दी ताम कोःदी ङीःङेन मीःदी राःङगीइ खीम राःम्बु च्यार्का तोःखाला जोगेन नावा साल्बु मीः च्योःङ्‍रा इःङे।

राःङ्साइ ख्योक्याला ची पेःतेर्क्योक सेम थेकुबा, ख्योक्याइयाङ राःङ्साक्याला ओःन्डुरा पेःदो। दीखोरा मोशाइ ठीम ओःले कोन्ज्योइ लेःङ्‍गो तेर्केनक्याइ लाःक्योक तामक्याइ लेःन इःङे।

इःनाङ मीःलीला क्याल्गेन कोः छीमी ओःले लाःम काःबु ओःङ्‍गुए। ओःले तीःबी मीःक्याइ चीग्रा दी लाःम फ्रेकुए।

छीमी कोःलाःम्‍ले नाःङ्ला स्युःदो चीलेलाःना ङ्‍याल्वाला क्याल्गेन कोः छ्‍योम्बो ओःले लाःम तेःमु ओःङ्‍गुए। दीखो लाःमला डोगेन मीःक्या माःङ्बुरा ओःङ्‍गुए।

ख्योक्या माःइबा एःनाङ राःङगीइ पुःपोःमोला याःबु ताम तेर्चे सेउए लाःना, ताःरुङ ख्योक्या भन्दाङ नाःम्खालीङला तेःकेन ख्योक्याइ आबाइ खुङ ङीमु लाङेनक्याला याःबु स्याः तेर्कुए।

येशुइ ताःरुङ लाःतेर काःल्सी, “राःङ्साला माःताक्पा माःच्याःङ, ओः सोङ्‍गारा, कोन्ज्योइयाङ ख्योक्याला माःताक्पा मेःच्याःङेन एः। चीलेलाःना काःन्डुले ख्योक्याइ राःङ्साला माःताक्पा च्याःङ्बा, ओःन्डुलेरा कोन्ज्योइयाङ ख्योक्याला माःताक्पा च्याःङेन एः। ख्योक्याइ राःङ्साक्याला काःन्डुले ताःप्‍पी तेर्पा, ओःन्डुले कोन्ज्योइयाङ ख्योक्याला ताःप्‍ती तेर्केन एः।

इःनाङ ङाःइ लाःक्योक ताम कोःदीङ मीःङीङेन्दीदी पेःमाखाला खीम जोगेन आक्याक्पा मीः च्योःङ्‍रा इःङे।

राःङ्साइ गोखाला सीक थोङेन्दीइ राःङगीइ जुबुइ माःइ चीले मेःथोङ्बा? राःङगीइ जुबुइ माःइ मेःथोङेन्दीइ राःङ्साला काःन्डुले लाःचे खुउबा, ‘खोइ खोइ, ङाः ख्याइ गोइ सीक तेङ्तेर्के?’

स्योप क्युःर्केन कोन्ज्योइ लेःङ्‍गो तेर्केनक्या ङीमु च्यागाताःक्पु पेःदी तेः। खुङक्या लुःक च्योःङ्‍रा छेन्दा लेःङ्दी ओःङ्‍गुए, इःनाङ नाःङ्ला जीबा लाःङ्जे च्योःङ्‍रा फारा च्योःङ्‍रा ओःङ्‍गुए। ख्योक्याइ खुङक्याला खुङक्याइ लेःगालाःम्‍लेरा ङोःसेगेन एः। ची छेर्माङगीइ पुःङला अङ्‍गुर मेःकोःङ्ए, ओःले सीउँडीइ पुःङला नेभारा मेःकोःङ्ए।

ओःन्डुलेरा याःबु तोःङ्बोइ याःबु ब्रुम्दो कोःङ्च्युए। इःनाङ माःइबा तोःङ्बोइ माःइबा ब्रुम्दो कोःङ्च्युए।

ओःले याःबु तोःङ्बोइ माःइबा ब्रुम्दो कोःङ्च्यु मीःखुए, ओःले माःइबा तोःङ्बोयाङ याःबु ब्रुम्दो कोःङ्च्यु मीःखुए।

याःबु ब्रुम्दो कोःङ्मीच्युगेन थाम्जेर तोःङ्बो तुप्‍ती मेःला सागेन एः।