मत्ती 5 - 인기 성경 구절

공유

ओःले छेमी थेप्‍ती सुइयाङ पतीइ मीउप एः। बरु खीम नाःङ्ला ओःङेन मीःक्याला साङ्बु काःल्ज्युक लाःती थोम्बो साला ज्यातेर्कुए। ओःन्डुलेरा ख्याक्याइ साङ्बु मीःक्याइ तोःङ्ला बार्च्युक, ओःले खुङक्याइ ख्याक्याइ पेःक्योक याःबु लेःगाक्या थोङेन एः ओःले नाःम्खालीङला एःक्योक ख्योक्याइ आबा कोन्ज्योला महीमा पेःगेन एः।

ख्याक्यादी जाम्बुलीङगीइ लागी साङ्बु च्योःङ्‍रा इःङे। काःङ्ला जोक्योक क्याःसा इःप्चे मीःखुए।

चाङ्मा सेम एःकेनक्याइ काःजे मोलाम ज्योर्ती एः, चीलेलाःना खुङक्याइ कोन्ज्योला थोङेन एः।

कोन्ज्योइ थाम्जेर आज्ञा रा खुङला सेम थेकेन ताम छाङ्ज्युक लाःती सेम मीःजीकरा तोःपा तोगेनक्याइ ओःले कोम्जे पेःगेनक्याइ काःजे मोलाम ज्योर्ती एः, चीलेलाःना खुङक्या डाङेन एः।

इःनाङ ङाः ख्योक्याला लाःके, टाःलाङक्यालाङ च्याःम्बु पेःदो। ख्योक्याला तुःक्पु तेर्केन्दीक्याइ लागी रेःम्दो।

“राःङगीइ सेमला तुःक्सी टेःम्बा साल्गेनक्या ओःले राःङला कोन्ज्यो कोःउए लाःकेनक्याइ काःजे मोलाम ज्योर्ती एः, चीलेलाःना नाःम्खालीङगीइ क्याःल्खाप खुङक्याइदीरा इःङे।

डीक्‍ती तेःकेनक्याइ काःजे मोलाम ज्योर्ती एः, चीलेलाःना खुङक्याला कोन्ज्योइ छार्क्युफुर्क्युक्या लाःती केक्याःप्केन एः।

तुःङाल पेःगेनक्याइ काःजे मोलाम ज्योर्ती एः, चीला लाःना कोन्ज्योइ खुङक्याइ सेमला खाम्साङ्बु तेर्केन एः।

कोन्ज्योइ आज्ञाक्या ङीःन्गासुःना सताइतीक्योक मीःक्याइ काःजे मोलाम ज्योर्ती एः, चीलेलाःना नाःम्खालीङगीइ क्याःल्खाप खुङक्याइदीरा इःङे।

राःङ्साला नीङ च्योःगेनक्याइ काःजे मोलाम ज्योर्ती एः, चीलेलाःना कोन्ज्योइयाङ खुङक्याला नीङ च्योःगेन एः।

ख्योक्याइ ङाःला सेमल्हुक लुक्योक सोङ्‍गारा मीःक्याइ ख्याक्याला ङ्‍याप्च्युक पेःसी लाःना, सताइतीसी लाःना ओःले ख्याक्याइ बारेला थाम्जेर खालगीइ माःरीक्पा ताम लाःसी लाःना ख्याक्याइ मोलाम ज्योर्केन एः। ओः तेःकासु ख्याक्या केःदाङ पेःदो ओःले खाम्साङ्बु पेःदो चीलेलाःना ख्याक्याइ लागी नाःम्खालीङला छ्‍योम्बो इनाम ज्यादी एः। एःन्डुलेरा कोन्ज्योइ लेःङ्‍गो तेर्केन्दी ताःङ्बुइ मीःक्यालाङ सताइतीदी एःके।

याङ्छाबु एःकेःनक्याइ काःजे मोलाम ज्योर्ती एः, चीलेलाःना खुङक्याइ थाम्जेर साजाम्बुलीङ ज्योर्केन एः।

ख्याक्या नी जाम्बुलीङगीइ लागी छा च्योःङ्‍रा इःङे। इःनाङ छाइ प्व्राः तोर्सी लाःना ओःखोला फीर्च्या चीइ छालोक जोगेन्दी? ओःखो नी चीङ लेःगाइदी मेःयुङेन एः, ओः सोङ्‍गारा, ओःखोला क्युर्तेर्केन एः ओःले मीःक्याइ नेम्ङेन एः।

ओः सोङ्‍गारा, नाःम्खालीङला तेःकेन आबा कोन्ज्यो ङीमु चीङ माःताक्पा म्याःक्योक च्योःङ्‍रारा ख्योक्याङ ओःन्डुबारा ओःङ्‍कोउए।”

ख्योक्याइ लाःक्योक तामदी इःङे लाःना ‘इःङे,’ मीःङे लाःना ‘मीःङे’ लोःप। ओः भन्दा माःङ्बु तामदी हेन्डीलाःम्‍ले ओःङ्‍गुए।

ख्योक्याइ एःन्डु लाःक्योक कोःदीरा एः, ‘मीइ कीम्बा मी, ओःले सोइ कीम्बा सो।’ इःनाङ ङाः ख्योक्याला लाःके, ख्योक्याला सुइयाङ माःताक्पा ताम लाःसी लाःना खुङक्याला वीरोध माःबे। सुइयाङ ख्योइ च्याःबु डाम्बाला रोप्सीलाःला योमा डाम्बाङ सेःतेर।

ख्योइ च्याःबु मीइ ख्योला लाःयो पेःच्युए लाःना ओःखोला तेङ्दी क्युर्तेर। चीलेलाःना ख्योइ थाम्जेर जुबु ङ्‍याल्वाला डोजे भन्दा बरु ख्योइ अङ्‍गा चीग गुमाइतीजे ख्याइ लागी याःबु इःङे। ओःन्डुलेरा ख्योइ च्याःबु लाःक्पाइ ख्योला लाःयो पेःच्युए लाःना ओःखोला तुप्‍ती क्युर्तेर। चीलेलाःना ख्योइ थाम्जेर जुबु ङ्‍याल्वाला डोजे भन्दा बरु ख्योइ लाःक्पा चीग गुमाइतीजे ख्याइ लागी याःबु इःङे।