મત્તિ 5 - 인기 성경 구절

공유

અનેં કુઇ મનખ સમની બાળેં નેં ટુંપલા હેંઠણ નહેં પુંણ હેંનેં ઉંસાઈ મ મેંલે હે. તર હેંનેં થી ઘેર ન બદ્દ મનખં નેં ઇજવાળું મળે હે. ઇવીસ રિતી તમારું ઇજવાળું મનખં નેં હામેં ભળાએ, કે વેય તમારં ભલાઈ ન કામં નેં ભાળેંનેં તમારા પરમેશ્વર બા ની ઝી હરગ મ હે મોંટાઈ કરે.”

તમું ઇની દુન્ય ન મનખં હારુ ઇજવાળા નેં જેંમ હે. ઠીક ઇવીસ રિતી ઝી સેર ડુંગોર ઇપેર વહેંલું વેહ, વેયુ બદ્દનેં ભાળવા જડે હે.

ધન્ય હે વેય, ઝેંનં ન મન સાફ હે, કેંમકે વેય પરમેશ્વર નેં ભાળહે.

ધન્ય હે વેય, ઝી ધર્મી જીવન જીવવા ની મુટી આહ રાખે હે, કેંમકે પરમેશ્વર હેંનની આહ પૂરી કરહે.

પુંણ હૂં તમનેં એંમ કું હે કે પુંતાનં વેરજ્ય ઇપેર હુંદો પ્રેમ રાખો, અનેં પુંતાનેં વિતાડવા વાળં હારુ પ્રાર્થના કરો.

“ધન્ય હે વેય, ઝી મન ન ગરિબ હે, કેંમકે પરમેશ્વર નું રાજ હેંનનુંસ હે.

ધન્ય હે વેય, ઝી મેળ કરાવવા વાળં હે, કેંમકે વેય પરમેશ્વર ન બેંટા-બીટી કેંવાહે.

ધન્ય હે વેય, ઝી દુઃખી હે, કેંમકે પરમેશ્વર હેંનનેં હિમ્મત આલહે.

ધન્ય હે વેય, ઝી તાજં કામં કરવા ને લેંદે બીજં મનખં દુવારા વિતાડવામ આવે હે, કેંમકે પરમેશ્વર નું રાજ હેંનનુંસ હે.

ધન્ય હે વેય, ઝી દયાળુ હે, કેંમકે પરમેશ્વર હેંનં ઇપેર દયા કરહે.

ધન્ય હે તમું, ઝર મનખં તમનેં મારી ઇપેર વિશ્વાસ કરવા ને લેંદે તમારી નિંદા કરે, અનેં તમનેં વિતાડે અનેં ઝૂઠ બુંલેં-બુંલેંનેં તમારી વિરુધ મ બદ્દી રિત ની ભુંડી વાતેં કે. તર તમું ખુશ અનેં રાજુ થાજો, કેંમકે તમારી હારુ હરગ મ મુંટું ઈનામ હે. વેય એંતરે હારુ એંવું કરહે કે હેંનવેં હેંનં ભવિષ્યવક્તં નેં હુંદા ઝી તમારી થી ઘણા ટાએંમ પેલા હેંતા, ઇવીસ રિતી થી વિતાડ્યા હેંતા.”

ધન્ય હે વેય, ઝી ભુંળં હે, કેંમકે વેય ધરતી ન હકદાર થાહે.

“તમું ઇની દુન્ય ન મનખં હારુ લુંણ નેં જેંમ હે. પુંણ અગર લુંણ નો હવાદ વગડેં જાએ, તે વેયુ ફેંર કઇની વસ્તુ થી ખારું કરવા મ આવહે? ફેંર વેયુ કઈનાસ કામ નું નહેં, હેંનેં બારતં ફેંકવા મ આવે હે, ઝાં મનખં ન પોગં મ કસરાએં જાએ હે.

એંતરે હારુ હમેશા વેયુ કામ કરો ઝી તાજું હે, ઝેંવો તમારો હરગ વાળો બા હમેશા ઝી તાજું હે, વેયુસ કરે હે.”

પુંણ તમારી વાત હાઓ ની હાઓ, કે ના ની ના વેહ. કેંમકે ઝી કઇ હેંનેં કરતં વદાર વાત વદે હે, વેયે ભુંડાઈ શેતાન ની તરફ થી થાએ હે.”

“તમું હામળેં સુક્ય હે, ઝી મૂસા ના નિયમ મ લખવા મ આયુ હે, આંખ ના બદલા મ આંખ, અનેં દાત ના બદલા મ દાત. પુંણ હૂં તમનેં એંમ કું હે કે ભુંડાઈ નો બદલો નેં લેંવો. પુંણ ઝી કુઇ તમારા જમણા ગાલ ઇપેર થાપલ વાએ, તે હેંનેં મએં બીજો ગાલ હુંદો ફેંરવેં દો.

અગર તારી જમણી આંખ તનેં પાપ કરવા નું કારણ બણે તે હેંનેં કાડેંનેં ફેંકેં દે. કેંમકે તારી હારુ એંમ કરવું ભલું હે, કે તારી બે આંખં મહી એક નકળેં જાએ, અનેં તારું આખુ શરીર નરક મ જાતું બસેં જાએ. અગર તારો હાથ તનેં પાપ કરવા નું કારણ બણે, તે હેંનેં કાપેંનેં ફેંકેં દે. કેંમકે તારી હારુ એંમ કરવું ભલું હે કે તારં બે હાથં મહો એક નેં રે અનેં તારું આખુ શરીર નરક મ જાતું બસેં જાએ.”