Matius 8 - 인기 성경 구절

공유

La Antua bilang kata, “Mangapa kong kamong taku? Kamong kurang parcaya Beta!” Tarus, Antua bangong la hokmat anging deng galombang tu. Langsung dano tu licing macang deng minya.

Mar komandan kompi tu bilang par Antua kata, “Bapa, jang pi lai! Beta seng pantas tarima Bapa di beta pung ruma. Bilang satu kata sa la beta pung jongos tu pasti bae.

Waktu Yesus dengar dia bilang bagitu, Antua herang paskali. La Antua bilang par orang banya yang iko Antua tu kata, “Dengar bae-bae tagal apa yang Beta bilang ni batul! Beta balong parna dapa satu orang Israel lai yang sunggu-sunggu parcaya macang dia, yang bukang orang Israel ni.

Tarus, Yesus bilang par komandan kompi tu kata, “Pulang suda! Akang su jadi macang deng yang ale parcaya.” Oras itu jua, dia pung orang suru-suru tu bae.

Lia bagitu, Antua pung murid-murid taherang-herang la bilang kata, “Antua ni sapa, sampe anging deng galombang jua iko Antua pung parenta?”