Mateo 21 - 인기 성경 구절

공유

Deoso ati dai nofiya, Deoso dai haaniya, dai ati‑nima yama naboneni.” Yeso ati nemarine.

Yeso oda‑ya hiyare, “Owati amosa dai mitahi. ‘Deoso kitatene.’ Dai atibodi ati nahi, ‘Deoso kiteba awane.’ Dai atibodi ati riyahi, Deoso ati dai nofabisiya, owa ene kitabote‑nima dai ene naboneni. ‘Adami webote, tibokahi.’ Dai ati niya, dai ati ene adami webote bokaboneni.

Mai one dai toha, mai one yoto na, mai hiyara, mai ati kita, “Oda‑ka hidi i‑di Dafi‑ka nodi oda kahiyarineni. Deoso tiwa‑ya yose, tiwa‑ya kasomayaho, oda ati nineni. Deoso neme‑ya wine, Deoso oda kahiyarineni.” Mai dama mai ati namaroni.

Mai‑ya hiyare, “‘Oka yobe‑ya owa‑ya mai hiyaraboneni.’ Deoso‑ka yama hani ati na, dai ene yama‑ya mai bo‑boti mai‑ka yobe‑nima yobe nawawahane.” Yeso ati nemarine.

“Yerosare‑ya mai wi‑wina mai‑ya dai hiyarahi. Dai‑ka hidi webote dai‑ya kakibona, ati hamarebona, boho mese‑ya itaribonane. Boho bidi yetene mese‑ya itaribonane.” Ati nemata, ati‑nima yama nawahamaroni.

Yeso ati yananamatase, “Fara amani. Deoso‑ka yama hani ati dai mitahi, ‘Yobe‑ya mai wa‑wama awa mai werehiwite, yobe tati mese ewene tohawahene.’ Deoso‑ka yama hani ati nineni. Deoso ene ai awemari, ai ya‑yainineni.” Yeso ati nemarine.

“Owati dai mitahi. Deoso dai‑ya haanemarine, hika yama dai nawadabonehe. Hibayata bara mai‑ya haanebonane, hika yama mai hinawadabisabonehe. Deoso ati‑nima mai nawahaboneni. Deoso‑ka yama dai nawadami awiraboneni.