Matiye 5 - 인기 성경 구절

공유

Dəw a kunda pər lambe gə mba təl kun ne dəbə ne ang, ngaa d-a kunda dɔ ne gə taar kar ndogo ar dəwje tɔ̰y gə mə kəy gə d-o ne lo. Be ɓa ar-je pər lə-si ndogo no dəwje gə, mba kar d-o ne neɗa-sijee gə may-may, ngaɓa d-a kɔsə ne gaji Bɔ-sijee Luba gə isi mə dara gə.

Sisəy ja ꞌtoje lokarə gə dɔ nangə nee. Ɓe gə to dɔ wuri gə taar le iya rɔ-ɛ ang.

Nokarə to mba nje gə mə-je arə ngadə, Mba d-a ko kəm Luba!

Nokarə to kar nje gə ɓo neɗa gə dana gadə-gadə ɔrə-je ngaɓa d-aw ndoo-e, Mba Luba a kar mə-je oso nangə po̰.

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Nokarə to kar njendooje mə kəji gə lə-je, Mba ɓeko̰ gə dara to karə-je.

Nokarə to kar nje gɔl lo kar-ɛ to ɗɛgɛgɛ, Mba Luba a ɓarə-je ngan-ɛ!

Nokarə to kar njenoje, Mba Luba a bɔrə man kəm-je gə!

Nokarə to kar nje gə d-ula kəm-je ndoo mba neɗa gə gadə-gadə, Mba ɓeko̰ gə dara a to karə-je!

Nokarə to mba nje ko kəmtondoo lə ngan marəje-je, Mba Luba a ko kəmtondoo lə-je tɔ!

A to-je njenokarəje, lo gə d-a taji si, d-a kula kəm-si ndoo gə d-a pa gə si tarje gə kṵra̰y dang-dang mba tar lə-m. ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Nokarə to kar njeməmayje, Mba Luba a karə-je d-isi gə maj-ɛ lo gə uwa dɔ gɔl-ɛ mba je!

Sisəy ja ꞌtoje kadə gə dɔ nangə nee. Ngaa to gə ɓo kadə do̰o̰ ang le, se d-a ɗa ban ɓa kar-ɛ təl do̰o̰ wa? May kum kɔrɔ kar dəwje ꞌtuba gə gɔl-je.

To gə Bɔ-sijee gə isi mə dara gə may pɛdə-pɛdə le, sisəy kara ꞌmay-je pɛdə-pɛdə tɔ.

Ɓo tar ce ta-si gə na oyo nama oyo ja, a ɓo ə̰ə̰ə̰ nama ə̰ə̰ə̰ ja, ɓo tar gə ɗangə ore go-e nama to tar gə ḭ ta njekṵra̰y gə.

Sisəy oje tar-ɛ to gə ꞌpa na: Dəw gə tɔ kəm njemar-ɛ nama, d-a tɔ kəm-e, a ɓo dəw gə cɛdə ngangə njemar-ɛ nama d-a cɛdə ngang-ɛ tɔ. Ngaa ꞌma, m-ndəji-si kar ꞌdalje ba̰a̰ məndul gə dəw ɗa gə si ang ne ɓo dəw unda kambɔr-i gə dɔ kɔl nama ꞌturu ye gə dɔ gəl ar-ɛ tɔ.

To gə ɓo kəm-i gə dɔ kɔl to ɗəw koso dan neɗa gə kṵra̰y gə nama, may kar ɔr ila kɔrɔ əw. Mba kar dəbə rɔ-i kara baa tuji may unda darɔ-i tɔ̰y kar-ɛ aw kəm pər gə. To gə ɓo ji kɔl-i to ɗəw koso dan neɗa gə kṵra̰y gə nama, ꞌgangə ila kɔrɔ əw, mba kar dəbə rɔ-i kara baa tuji may unda darɔ-i tɔ̰y kar-ɛ aw kəm pər gə.