YOHANA 4 - 인기 성경 구절

공유

Nyasaye ni Roho; khandi vandu vasaalanga khuye, khutukha vasaale khuye khuvirila mu Roho khandi munjila yatoto.”

Navutswa isaa ili himbi khutukha, khandi yamala katukha khale, lwa vandu valiitsa khusaala khu Tata khuvirila mu Roho khandi munjila yatoto, shichila Tata akhavanga vandu vanyala khusaala khuye khuli venavo.

navutswa mundu ung'wakhu matsi ka nzitsanga khumuha shianyala khutsililila khandi khuva nu vuluhu tawe. Matsi ka nzitsanga khumuha kaliitsa khuva muye khuli shirula shia matsi kahaananga vulamu vwi mihika ni mihika.”

Yesu yamuchipa, “Uva nu wamanyakhu shihanwa shia Nyasaye ahaananga, khandi mundu ukhureevanga matsi ku khung'wa, wakhamureevi, naye yakhakhuheele matsi kahaananga vulamu.”

Yesu yavavoolela, “Shiukhulia shianje nu khukhola lienya lia woyo wanduma; khandi khurweshitsa muhinzilu kwekwe kwa yamba.

Mukhali mwenoyo yamuvoolela, “Mwami, uvula shindu shiu khuteehela; khandi shisima yishi shiatsia hasi muno. Ni hena ha nunyole matsi kahaananga vulamu?

Mukhali mwenoyo yavoola, “Manyi ndi Masiha ulaangwangwa Kristo aliitsa khwitsa; khandi lwa aliitsa khwitsa, aliitsa khukhuvoolela shia shindu shiosi.” Yesu yamuvoolela, “Inzi ulomolomanga khu yivi, ninzi ye.”

“Hambi mulole mundu umbolele shia shindu shiosi shia nakholanga. Anyala khuva neye Kristo?”