Luke 8 - 인기 성경 구절

공유

Na dza ɔwɔ asaase pa mu no, yinom nye hɔn a wɔdze akoma pa a oye etsie asɛm no, wɔdze sie, na wɔnam abotar mu sow aba.

Na dza okoguu nsoɛ mu no, yinom nye hɔn a woetsie na wɔrokɔ no, ɔbra yi mu akɔdadwen nye ahonya nye enyigyedze mia hɔn, ma wɔnnsow aba ma ɔmmber yie.

Na hɔn a wɔwɔ ɔbotan do nye hɔn a wotsie a, wɔdze dɛw gye asɛm no; na yinom wonnyi ndwow, na wɔgye dzi ma ɔkyɛr kakra, na nsɔhwɛber ba a nna wɔhwe ase.

Na obisaa hɔn dɛ, Hom gyedzi wɔ hen? Na wosuroi, na ɔyɛɛ hɔn nwanwa, na wɔsesee hɔnho dɛ, Woana nye yi a ɔhyɛ mframa nye nsu mpo ma wotsie no yi?

Hɔn a wɔwɔ kwan nkyɛn no nye hɔn a woetsie; na abɔnsam ba, na obeyi asɛm no fi hɔn akoma mu, ma wɔaanngye enndzi na wɔaanngye hɔn nkwa.

Na biribi nnsuma a wonnkeyi no edzi, na onnhunta a wonnkohu na ɔnnkɛda gua.

Na ɔbaa no hun dɛ oennsuma no, ɔdze ahopopo bae, na ɔbɔhwee n’enyim, na ɔkaa adze kor a osian ntsi ma ɔkaa no, na mbrɛ no ho yɛɛ no dzen amonmu hɔ ara kyerɛɛ no wɔ nkorɔfo no nyina enyim. Na ɔsee no dɛ, Babaa, wo gyedzi agye wo: kɔ asomdwee mu.

Na wɔdze nkekamu baa ne nkyɛn benyaan no see dɛ, Owura, Owura, yɛrehera! Na onyanee no, ɔbraa mframa no nye nsu no ne begyabegya no, na ogyaae, na hɔ taa dzinn.