Luke 14 - 인기 성경 구절

공유

Sɛ obiara ba mo hɔ, na oennkyir n’egya, nye ne na, nye ne yer, nye ne mba, nye no nuanom, nye ne nkyerɛbaa, nye nankasa no ho so a, orunntum nnyɛ mo suanyi.

Na obiara a ɔnnsoa ne mbeamudua na onndzi m’ekyir no, onnkotum ayɛ mo suanyi.

Osiandɛ obiara a ɔbɛma noho do no, wɔbɛbrɛ no adze; na obiara a ɔbɛbrɛ noho adze no, wɔbɛma no do.

Dɛmara so na hom mu biara a ɔnnkɔpow dza ɔwɔ nyina no, runntum nnyɛ mo suanyi.

Na hom mu woana, na ɔpɛ dɛ ɔtow abantsentsen, na onndzi kan nntsena ase, na ommbu ho nkontaa, dɛ ɔwɔ dza ɔdze botum ewie anaa? Bɛyɛ na oenya ato fapem no, sɛ oenntum ennwie a, hɔn a wohu nyina bɛhyɛ ase esi no atwetwe dɛ, Nyimpa yi hyɛɛ ase dɛ orisi, naaso oenntum ennwie.

Na sɛ eto pon a, frɛ ehiafo, nye epirafo, nye mpakye, nye enyifurafo: na ibenya nhyira, osiandɛ wonnyi dza wɔdze botua wo kaw; na atseneneefo wunyan no mu nna wobotua wo kaw.

Nkyen dze, oye; naaso sɛ nkyen no ayew ne dɛw a, wɔdze ebɛnadze bɛma ayɛ nkyen bio? Ɔmmfata asaase anaa suminado, na wɔtow gu. Nyia ɔwɔ aso a ɔdze tsie no, ma ontsie.