John 19 - 인기 성경 구절

공유

Na Jesus gyee wenyin yerɛyerɛw no, ɔsee dɛ, Mewie! Afei ɔbɔɔ ne tsir adze, na ogyaa no sunsum mu.

Iyi ekyir no Jesus nyim dɛ woenya ewie ndzɛmba nyina (mbrɛ ɔbɛyɛ ma kyerɛw no aaba mu) ntsi, ɔsee dɛ, Nsukɔm dze me.

Na Jesus hun ne na nye osuanyi a ɔdɔ no no dɛ ogyina hɔ no, ɔsee ne na dɛ, Ɔbaa, hwɛ, wo ba nye yi. Na ɔsee osuanyi no dɛ, Hwɛ, wo na nye yi. Na ofitsi dɔn no ara mu na osuanyi no faa no kɔr nankasa ne fie.

Na wodur Jesus do na wohun dɛ oewu dada no, woemmbubu n’anan mu; na nsordaafo no baako dze peaa wɔɔ ne mfemu, na ntsɛmara na bɔgya nye nsu fii mu bae.

Na wɔyɛɛ iyinom ma kyerɛw no aaba mu dɛ, Wonnkobu ne biew bi. Na bio kyerɛw fofor so se, Wɔbɔhwɛ nyia wɔwɔɔ no (peaa) no.

Na ɔso ne mbeamudua puei bodur beebi a wɔfrɛ hɔ Nyitsirbea a Hebriw mu wɔfrɛ no Golgota.

Na nsordaafo no bɔɔ nsoɛ abɔtsir na wɔdze hyɛɛ ne tsir, na wɔdze tam memen bi furaa no