John 15 - 인기 성경 구절

공유

Emi nye wenyindua no; hom nye abaw no: nyia ɔtse mo mu, na metse no mu no, ɔnoara na ɔsow aba pii; sɛ hom kwetsi me a, hom nnkotum ayɛ hwee.

hom ntsena mo mu, na mo so mentsena hom mu. Dɛ mbrɛ abaw nntum mmfi noara no mu nnsow aba, gyedɛ ɔtsena wenyindua no mu no, dɛmara so na hom runntum, gyedɛ hom tsena mo mu.

Sɛ hom tsena mo mu, na me nsɛm tsena hom mu a, hom mbisa biribiara a hom pɛ, na wɔbɛyɛ ama hom.

Nnyɛ hom bi na hom yii me, na emi na miyii hom, na medze hom sii hɔ dɛ hom nkɔ nkɔsow aba, ma hom aba aatsena hɔ, na biribiara a hom bɛserɛ Egya no wɔ me dzin mu no, ɔdze aama hom.

Obi nnyi dɔ a ɔso kyɛn iyi, dɛ obi dze no nkwa bɔto hɔ ama n’anyɛnkofo.

Mo ho abaw biara a ɔnnsow aba no, oyi no; na biara a ɔsow aba no, oyiyi ho ma ɔaasow aba pii.

Iyi nye me mbrasɛm, dɛ hom ndodɔ homho nkorkor, dɛ mbrɛ madɔ hom.

Iyi mu na wɔahyɛ m’Egya enyimnyam, dɛ hom sow aba pii, na hom bɛyɛ m’esuafo.

Emi nye nokwar wenyindua no, na m’Egya nye okuafo no.

Sɛ obi anntsena mo mu a, wotwa no kyen dɛ abaw, na ɔkyenkyen, na wɔboaboa ano kogu gya mu, na ɔhyew.

Maka yinom akyerɛ hom ama me dɛw aatsena hom mu, na hom dɛw aahyɛ ma.

Sɛ hom sie me mbransɛm a, hom bɛtsena mo dɔ mu, dɛ mbrɛ mo so mesie m’Egya ne mbransɛm na metsena no dɔ mu.

Iyi na mehyɛ hom, dɛ hom ndodɔ homho.

Sɛ hom fi wiadze mu a, nkyɛ wiadze bɔdɔ nankasa nedze; na osiandɛ hom mmfi wiadze, na miyii hom fii wiadze mu ntsi, na wiadze tan hom.