Luka 14 - 인기 성경 구절

공유

Mundu ni yadza ku inze na a ta dunyira dada wewe, na mama wewe, nomukali, navana, navamwavo, navabotso, yee neliva mwoyo lilye kandi, si a nyala kuva mwegidzwi wange mba.

Ku vosi u ta ginga musalaba gwigwe mwene a nonde, si a nyala kuva mwegidzwi wange mba.

Kigira ku vosi weginga a la gehidzwa; nowegehidza mwene a la nenehidzwa.

Kunangwa ku mwinye vosi u ta leka vyosi vya a veye navyo si a nyala kuva mwegidzwi wange mba.

U li ha ku mwinye, ni yenya kwombaka munara, na a ta tanga kwikala a validze hesabu, a lole vya a veye navyo ni vi va ni vi duka kugumala? Gase a la vula kunyala kumala inyinga a mala kuvika musingi, navo vosi ava lola va tanga kumukolera kihenyahenye, ni va vola, Mundu uyu ya tanga kwombaka, sia nyala kumala.

Navutswa lwa wenya kwihula u la langa avadaka, navadekere navaleema, navaboku: na ive u la va nobugasu; kigira si va veye nekya va ku tunga: kigira ive u la tungwa mu lisimuguka lyavalungi.

Munyu gu veye mulahi: navutswa kali munyu ni gwoneki, gu la kolwa ndi mulahi? Si gu dukana kukonya mulimi kinga kitumi kyamavululi: avandu va gu sundula. U veye namatu gokuhulira, a hulire.