1 Musa 3 - 인기 성경 구절

공유

Merandal ngo kayu i idah daberru i, janah buahna pè merasa pengaen idahen. Tubuh mo i pikirenna, soh mo mendèna mula gabè kalak bijak ia. Kerna i ipotikken mo buah kayu i, janah ipangan. Iberèken mo dèba taba sinibalèna janah ipangan sinibalèna i ma mo.

Nipè ngo sibècukna ibas karina binatang sinihanaken Dèbata JAHOWA. Ikuso nipè i mo daberru i, “Ti, tuhu ngo igerra Dèbata kènè kipangan buah karina kayu ni pekken èn?”

Dak mersihelemmen mo ko dekket daberru i, pinemparmu mi pinemparna dak mermusuh. Pemparenna mengelicatken takalmu, janah itebbi kono mo tukul-tukul kalak i.”

Nai nina Dèbata mo taba daberru i, “Kutambahi mo mpiah pengakapmu tikan mengkandong ko dekket tikanmu ketaring. Tukasi pè bagi, dak sèkel ngo ko midah sinibalèmu, janah kennah tunduk ngo ko bana.”

Kennah ledja mo kono mahan bahaen janah rendes panasmu lako mengula tanoh i asa merhasil bamu mèma balik ko kembali tanoh ai tanoh kin ngo asalmu ihanaken. Itempa ngo ko i tanoh nai, janah kennah balik kembali tanoh.”

Nai nina Dèbata mo taba anak laki i, “Kumarna idengkohken kono rana sinibagesmu gabè ipangan kono buah siKugerra mak ndorok panganmu. Kumernaken pemaingmu i, kenna sempetta mo tanoh èn. Kennah rengngè ngo tulanmu mahan bahanen sidekkah nggelluhmu, asa iberrè tanoh i cukup panganmu.

“Isè mendokken taba kono, lubus kono?” nina Dèbata. “Mada ngo ipangan kono buah siKugerra panganenmu i?”

Nai kan kebincaren pekken i, i jolo pèntu mbengket, ipejagaken Dèbata JAHOWA mo kerubim, dekket peddang merapi merjollah mi karina lambung, menjaga dalan mi kayu kenggeluhen i. Merkitè bagidi isè poda terbaing masuk menjolmiti kayu i.

Igerari si Adam mo sinibagesna i si Hawa, kerna daberru i ngo gabè inang karina jelma manusia.