MARKUS 6 - 인기 성경 구절

공유

Era asanam owe tananenak jow bambi aouuamesen. Erarawa Yesus bajamkai owe amos baemenda asan apoken. Armat Ipitam emes apore, wanam atakam abajamkai owe akoromen. “De! Tame apok asan dapa esosamo. Tanom kais era asana panday.” Emes atakam aesimen.

Yesus anom atakam era owe akoromen. “Wan owe, Allah atakam bakoretam ipit tere aeomemas. Me, asaman oweam, ajoo oweam, atame oweam, Allah atakam bakoretam ipit tere baeom apok aememas.” Emes atakam aesimen.

Emesare, Yesus asete, Are era owe tanane aporen. Era owe bambi domba tamen aememes aporen. Era owe banamek bataitam owe apok domba tamen aememesen. Erarawa Yesus era owe seis akot aoorporen. Ararawa atakam tanane era owe aememtamen.

Emesare, Armat Ipitam, era asan jinim bae pak daytu baemeem asan apoken. Erarawa, Are aban, damo pota owe bamintep damo ten ataetiie, wanam era owe damo ajaoromtaeren. Era asan owe Yesus bamesem apok aemesen. Armat Ipitam emes aporen. Ararawa, jinim daytu aeen. Emesare. Yesus era dasman samaniin samaniin afafasiejare, wanam, atakam aememtamen.

Yesus amos jise ban taka me enamo jamnukam ataeren. Are banamek oup apemtemetemen. “Dot! Wore ara banda pak atetamemaroam. Terima kasih!” Emes atakam aesimen. Ararawa, Are amos jise akookome, wanam abajamkai owe atetamen. Ere era owe takes sai basaietam pak. Armat Ipitam enamo jamnuk era owe takes sai asaietamen. Emesare, era owe takes era amos andesen. Are jak andatukuapesen. Me Yesus bajamkai owe ara owe tanane andaeremtiies amos anama enamo, ese 12 aoweapomesen.