Yohana 16 - 인기 성경 구절

공유

Nikivajovela ago goona, baheene muveesaje nu wulindamafu mu numbula seenyu, kwa nsila ya kiiva mukhati yangu. Mu nyi iyi musiipate amalava minshi, leelo musikhatiilaji kwa kiiva one nisimenile ingufu imbi isa mu nyi.”

UNumbula yula, yuna asivamanyise ishiyooli woona, pina wáyinsa kunyeenyu, asivatanje kimanya ishiyooli shoona. Asikhalogola kwa wutawulilwa waakwe yumwene, leelo akhalogola gina wápulikha na kivajovela gina gakhawonekha.

Mbakha lino, musinalombe shoshoona kwa Nguluvi kishilila ilitaawa lyangu. Lombaji kwa Nguluvi kishilila ilitaawa lyangu, baheene umwene asivapeele. Kwa kiiva ya ilyo, musiive nu wushendeefu mandu mu numbula seenyu.

“Nikivajovela shiyooli, lunofu kunyeenyu kiija niiluta kwa Daada. Nda nisiiluta, uMutanjilisaaji yula asikwiliile kiyinsa kunyeenyu. Leelo nda niiluta, nikhamufilikha kunyeenyu. Yula pina wáyinsa, akhava ikivawonensa avaanu woona kiija, aveene vanansi, na kiija one nili munya shiyooli, khanji kiija uNguluvi iyinsa kivahiga.

Shiisho ndeeno na yuumwe musugumiilwe kwa luhaavi ulu. Leelo nikhayinsa khanji kunyeenyu, baheene mukhava nu wushendeefu mu numbula seenyu. Kusiina yuna akhawuwuusa uwushendeefu uwo mu numbula seenyu. Khanji uluhaavi ulo pina lwafikha, musikhanilomba shoshoona. Shiyooli nikivajovela, goona gina mwilomba mu litaawa lyangu, uDaada akhavapeela.

Shiyooli nikivajovela, omwe mukhakhoola na kisugumilwa, leelo avaanu va mu nyi iyi vakhashendeeva. Mukhasugumilwa kwa luhaavi lufupi, leelo kisugumilwa kwenyu kukhaseetukha kiiva wushendeefu.