ଜହନ୍‌ 12 - 인기 성경 구절

공유

ଜାଣ୍ଡେ ନେଙ୍ଗ୍‌ନେ ସେବକ୍ ଡିଙ୍ଗ୍‌ନେ ଇକ୍‌ଚା ଡିଙ୍ଗ୍‌ଏ, ମେଁ ନେଙ୍ଗ୍‌ନେ ପ୍ଲା ପାଙ୍ଗ୍‌ଲେ, ତେଲା ନେଙ୍ଗ୍ ଆଣ୍ଡିଅରିଆ ନ୍ଲେଏ, ନେଙ୍ଗ୍‌ନେ ସେବକ୍ ଡିଗ୍ ଆତ୍‌ଅରିଆ ଲେଃଏ ଆରି ମେଁ ନେଙ୍ଗ୍‌ନେ ଆବାଡାଗ୍ରା ସନ୍‍ମାନ୍‍ ବାଏ ।”

ଜାଣ୍ଡେ ନିଜେନେ ଜିବନ୍‍କେ ଜାବର୍‌ ବଲ୍ ବାଲେଃଏ, ମେଁ ଆତେନ୍‌ ଆରେଏ; ଜାଣ୍ଡେ ଏନ୍‌ ମଞ୍ଚ୍‌ପୁର୍‌‍କେ ନିଜେନେ ଜିବନ୍‍କେ କୁଟ୍ ଡିଙ୍ଗ୍‌ଏ, ମେଁ ଆମେକେ ମାଡାନେ ଜୁଗ୍ ଜାକ ରକ୍ୟା ଆଃଡିଙ୍ଗ୍ଏ ।

ନେଙ୍ଗ୍ ଆପେକେ ସତ୍ ବାସଙ୍ଗ୍‌ଣ୍ଡିଂ ଗହମ୍‍ ମୁଞ୍ଜି ମୁଇଂ ତୁବଃନ୍ନିଆ ଲଃଚେ ଆଗୁଏ ତେଲା ଆତେନ୍‌ ମୁଇଙ୍ଗ୍ ଗେଡ଼ା ଡିଙ୍ଗ୍‌ଚେ ଲେଃଏ ମାତର୍‌ ମେଁ ଗୁଏଲା ଆତ୍‌ବା ଗୁଲୁଏ ମୁଞ୍ଜି ପଃଏ ।

ନେଙ୍ଗ୍ ମଞ୍ଚ୍‌ପୁର୍‌ନେ ତାର୍‌କିଗ୍ ଡିଙ୍ଗ୍‌ଚେ ପାଙ୍ଗ୍‍ନ୍ଲେଃକେ । ଜା ନେଙ୍ଗ୍‍ନ୍ନିଆ ବିସ୍‌ବାସ୍ ଡିଙ୍ଗ୍‌ଏ ମେଁ ଆରି ତାଂକିଗ୍‌ନ୍ନିଆ ଆଲେଃ ଣ୍ଡୁ ।

ଜା ନେଙ୍ଗ୍‌ନେ ବ୍ନାଲିର୍ ଅଁଚେ ପାଲନ୍ ଆଡିଙ୍ଗ୍ ଣ୍ଡୁ ନେଙ୍ଗ୍ ମେଁନେ ବିଚାର୍ ନେଡିଙ୍ଗ୍ ଣ୍ଡୁ । ନେଙ୍ଗ୍ ମଞ୍ଚ୍‌ପୁର୍‌କେ ବିଚାର୍ ଡିଙ୍ଗ୍‌ନ୍‌ସା ନେପାଙ୍ଗ୍‌କେ ଣ୍ଡୁ ପାଙ୍ଗ୍‍ଲେକେ ଆମେକେ ରକ୍ୟା ଡିଙ୍ଗ୍‌ନ୍‌ସା ।

ଆତେନ୍‌‌ ବେଲା ମରିୟମ୍ ତେପ୍ୟା ଲିଟର୍‍ ଜବର୍ ଦାମ୍‍ନେ ବାସ୍‌ନାକ୍ନେ ଜଟାଚି ଞ୍ଚୁ ଡୁଙ୍ଗ୍‍ପାଙ୍ଗ୍‍ଚେ ଜିସୁନେ ଞ୍ଚନ୍ନିଆ ଆତେନ୍‌ ଲାଗେଚେ ନିଜେନେ ଉଗ୍‌ବ ଏତେ ମେଁନେ ଞ୍ଚ ଚୁ ବିକେ ଆରି ଞ୍ଚୁନେ ବାସ୍‍ନାରେ ଡୁଆ ଗମ୍‍କେ ୱେକେ ।

କଜ୍‍ରି କେନ୍ଦା ଡୁଙ୍ଗ୍‍ପାଙ୍ଗ୍‍ଚେ ଆମେକେ ଅବାନ୍‌ସା ତାର୍‌ୱେକେ ଆରି କିରଚେ ବାସଙ୍ଗ୍‌ନେ ମୁଲେକେ “ହୋଶାନ୍ନା । ମାପ୍ରୁନେ ମ୍ନିରେ ଜା ପାଙ୍ଗ୍‌ଡିଙ୍ଗ୍‌କେ ମେଁ ଦନ୍ୟ; ଦନ୍ୟ ଇଶ୍ରାୟେଲନେ ଇଃସାଙ୍ଗ୍‌ ।”

ଜିସୁ ଉତର୍ ବିକେ, “ରେମୁଆଁ ଉଙ୍ଗ୍‌ଡେ ମ୍ନାଃ ଡିଙ୍ଗ୍‌ନେ ବେଲା ପାଙ୍ଗ୍‌ଲେକେ ।