Génesis 15 - 인기 성경 구절

공유

Tsaynö ninqanta Abram creyiptinmi jutsannaqtana DIOS YAYA chaskirqan.

Tsaypitanam DIOS YAYA illaqpita revelarnin Abramta nirqan: <<Abram, ama mantsakaytsu. Noqam tsapäshuqniki escüdu kä. Qammanmi bendicionnïta churamushaq>>.

Tsaypita Abramta waqtaman pushaykurmi DIOS YAYA nirqan: <<Ciëluman rikay. ¿Qoyllurkunata yupayta puëdinkiku?>> Tsaypitam yapay nirqan: <<Tsaynöllam qampita miraqkunapis yupayta mana puëdiypaq kayanqa>>.

Tsaynö niptinnam DIOS YAYA nirqan: <<Manam serviqnikitsu imaykaykiwanpis quëdanqa, sinöqa kikikipa tsurikim>>.

Tsaynam DIOS YAYA nirqan: <<Qampita miraq aylluykikunam chusku pachak (400) wata juk markachö juklä runakunapa serviqnin kar ñakayanqa.

Abramnam nirqan: <<DIOS YAYA, tsurï mana kaykaptinqa ¿pïnïpaqtan llapan qaramanqaykipis kanqa? Wañukuptï llapan imaykäkunawanpis Damascupita servimaqnï Eliezerllapaqchi quëdanqa.

Tsay junaqmi Abramwan pactuta rurar DIOS YAYA nirqan: <<Kay täkunqayki partitam qampita miraq aylluykikunata entregashaq Egipto mayupita hasta Éufrates jatun mayuyaq.

Chusku pachak wata päsaskiptinraqmi qampita miraq aylluykikuna kay täkunqaykiman kutiyämunqa. Kutiyämunanpaqqa kaychö täkuq amorreo runakunapa jutsankuna alläpa juntanam kanqa>>.