Lk. 3 - 인기 성경 구절

공유

Enyuma we babaandu boosi ne babatiisibwe, Yesu yesi abatiisibwa. Nga ne aaba ne alikho nasaba, likulu liekukha, mala Roho Omutakatifu amwichakho mu sifwaanane sie liuusi. Kumumilo kwama mwikulu kuli, “Ewe oli Omwana wase Omusiime ousiimisia lukali.”

Nio Yoana ababoolela boosi ali, “Ese mubatiisia enywe ne kameechi, ne kakhali okundi alikho echa oli omukali khu khuukhila ese. Ese se nolaana akhaba khukangulula biraaro biewe tawe. Alimubatiisia enywe ne Roho Omutakatifu ne kumulilo.

Khola bikholwa bibiokesia bili enywe mwekanile bubwoni bwenywe. Ne mukharakikha khuloma muli Aburahamu ali kuuka wenywe tawe. Muboolela ndi Wele anyala khubukula kamabaale kano mala akakhole kabe babaana ba Aburahamu!

Eaywa yerekekhe khurema bisina bie kimirongooro, buli murongooro kukhaama kamatuunda kamalayi tawe kularemwa mala kumwaatwe mu mulilo.”

Nga kaandikwa mu sitabu sio mung'oosi Isaya bali, “Kumumilo kwo mundu kulikho kulomela mu sichiimi kuli, ‘Rekekha kumwiila kwo Mwami, kololosia engila abirirekho. Yichusia buli litooma, yaasia chingulu ne bikulu, luungisia kimiila kikiekotakota, ne khukwalaasia chingila che kamatikwi; buli mundu alibona buonia bwa Wele!’ ”