Luka 9 - 인기 성경 구절

공유

Tolimok kesi daang tama, “Itwaan cha daang ni esaki akiwapakin ayong, ejoikinit ejalun bon, sodi kiwok apir keng ngirwa daang kewapak ayong.

Kainyo itwaan daang ni esaki akirichun akiyar keng, ebukori, nakaneni ni ejali akiyar keng kotere ayong, eyari.

Tolimok Yesu ngesi tama, “Itwaan daang ni isiakini akirem ngalup akitare, torubak ingolianari kaku, nyitemokino eanyuni Apolou a Akuj.”

Nyoni eanyuni itwaan erai kitiliwo ngesi ibore daang anakwap ikeng nakaneni tobukor anakiyar? Emam jik ebachit eriamuni!

Itwaan ni itimi alimor ayong ka ngakiro kang, tani Lokookeng a Itwaan dang itimi alimor ngesi na ebunio Lokookeng a Itwaan Anapolou keng ka Apolou ka Apakeng ta ngimalaikae lubekon aapei.

Tolimok Yesu ngesi tama, “Eya takwee ngatabab na eduketa, tani ngikieny lu eporito eya ngakais, nakaneni Lokookeng a Itwaan bon ngesi emam ni icholongi kiangarea.”

tolimok tama, “Itwaan cha daang ni itepeyoni ikoku niichi ni ikoni en a ekiro kang, ketepeyon ayong, ani ngini ketepeyoni ayong, etepeyon tani lokolong kameuni ayong. Kainyo ngolo itiditeuna anikus, ngesi epolot noi.”