उत्पत्ति 13 - 인기 성경 구절

공유

क्हिइ म्रोंबै ताँन् क्ल्ह्‍यो क्हि नेरो क्हिए सन्तानलाइ ङइ खोंयोंन् बिलै क्ल्हे तबर पिंब्मुँ।

लोत अब्रामने फ्रेयाबै लिउँइँ याहवेहजी अब्रामने बिइ, “तारे क्हि मुँबै क्ल्ह्‍योउँइँले ताइ (उत्तर) माइ (दक्षिण) स्यार (पूर्व) नेरो छ्यो न्हु (पश्‍चिम) खन्तोंदोंन् ङ्‍ह्‍योद्।

ङइ क्हिए प्हसेमैं पृथ्‍बीर्बै त्हुल् धोंलेन् ल्हें लमिंब्मुँ। खाबज्यै त्हुल् च्योल् आखाँ! त्हुल् च्योल् खाँम् बिस्याँ क्हिए प्हसेमैं या च्योल् खाँब्मुँ।

छतमा अब्रामइ लोतने बिइ, “ङ्यो ह्रोंसए म्हिमैं ग। छतसि ङ्यो नेरो ङ्योए प्ह्रोंछैंमैं न्होंरि प्होंगि आतबै ल्हागिर

झाइले अब्रामइ ह्रोंसए तम्बु सार्दिसि हेब्रोनर मुँबै मम्रेए फलाँटए सिंधुमैं ङाँर खसि चर्न टिइ। चइ चर याहवेहए ल्हागिर ख्रो पिंबै क्ल्ह्‍यो घ्रि बनेइ।

लोतइ खन्तोंदोंन् ङ्ह्‍योमा क्यु ल्हें मुँबै यर्दन स्योंए ब्याँसि सोअर समा फेनब् म्रोंइ। च क्ल्ह्‍योर याहवेहजी बनेबै अदनए बगैंचा धोंन् तब नेरो मिश्र ह्‍युलर धोंले क्यु ल्हें मुँल। (चु ताँ याहवेहजी सदोम नेरो गमोरा बिबै सहर नास लब् भन्दा ओंसोंबै ताँ ग।)