Matio 9 - 인기 성경 구절

공유

Aci Cecoc itew owitcewakana: “Ki ka witamatinawaw e iterimakik: mia kitikan askik e icinakosiwok, mitcen otamirowin ke ki totcikatek neta, aci e otcitciparik kitci mawotcitakaniwok kitikan, nama aric mitcetiwok iriniwok ke otamirotcik. Pakoserimakw anahwe ka mitatc e mawotcitakaniwonik kitikaniw kitci pe iciticohwatc kotakihi iriniwa kitci pe nta witcihiweritci.”

Matca wikokwe nisitotamokw anihe ka masinatek Kice Manito Omasinahikanik: ‘Ni nataweriten kitci kitimakerimekw kiwitc iriniwaw, nama kitci aiamihe pakitinikeiekw, e ickwaswekok awesisak.’ Nama meka ni ki otci pe ican kitci wicamakik iriniwok aci icikowisk ka iterimitisotcik, aric kirawe aniki ka kiskerimitisotcik ka pactatitcik.”

E wapamaspan ko e mitcetiritci iriniwa, micta kitimakerimepan. Aieskosiwakopan meka aniki iriniwok kaie atwerimowakopan, mia maritcenicak aka e taritci awiriwa ke kanawerimikotcik e iteritakosiwakopanen.

Ki petawew Cecoc ani e iteritci. Ki itew: “Iriniwok ka miro pimatisitcik nama takatc mackiki iriniwa natawapamewok. Ka akositcik, enko aniki ke natawapamatcik mackiki iriniwa.

Cecoc pa pimotepan kaskina otenak kaie otenacik. Pa kiskinohamakepan cota aiamihe mikiwamiskak. Kakeskwepan, e tipatcimospan Mirwatcimowiniw ka otci kiskeritcikaterik Kice Manitowa Okimawiniw. Kaskina kaie kikehepan ka akosiritci kotc ka itapineritci.