Noo Mian 7 - 인기 성경 구절

공유

¶ Yearree‐jee, as yiow shiu: shir‐jee as nee shiu feddyn; bee‐jee aignagh fosley gheddyn, as bee eh er ny osley diu.

Son ta dy chooilley annane ta gearree, geddyn; as y fer ta shirrey, feddyn: as eshyn ta aignagh fosley gheddyn, bee eh er ny osley da.

¶ Quoi‐erbee er‐y‐fa shen ta clashtyn ny goan shoh ayms, as ta janoo ymmyd mie jeu, soyllee‐ym e gys dooinney creeney hrog e hie er creg

Shen‐y‐fa dy chooilley nee cre‐erbee balliuish deney dy yanoo riuish, jean-jee shiuish myr shen roosyn: son shoh yn leigh as ny phaderyn.

Er‐y‐fa dy nee chion ta’n giat, as coon ta’n raad ta leeideil gys bea, as schiark ta dy gheddyn magh eh.

¶ Gow‐jee stiagh er y yiat coon; son liane ta’n giat, as moar ta’n raad ta leeideil gys toyrt‐mow, as shimmey ta goll er

My ta toiggal er‐y‐fa shen eavish ta olk, kys dy choyrt giootyn mie da nyn gloan, cre woad smoo nee’n Ayr eu t’ayns Niau reddyn mie y choyrt dauesyn ta janoo aghin huggey.

Ny briwnys‐jee, as cha bee shiu er nyn mriwnys. Son lesh y vriwnys ta shiu briwnys, bee shiu hene er nyn mriwnys. As lesh y towse ta shiu towse, bee eh er ny howse diu reesht.

As bee dy chooilley annane ta clashtyn my ghoan shoh, as nagh vel janoo ymmyd mie jeu, er ny hoylagh gys dooinney ommijagh, hrog e hie er y gheinnagh

As cre’n fa t’ow cronnagh yn brenneein t’ayns sooyl dty vraar, agh cha vel oo smooinaght er y beam t’ayns dty hooyl hene? Ny kys jir oo rish dty vraar, Lig dou yn brenneein y ghoall ass dty hooyl, as cur‐my‐ner ta beam ayns dty hooyl hene?

Cur‐jee twoai jeh phaderyn foalsey, ta cheet hiu ayns coamraghyn keyrragh, agh cheu‐stie ta’d nyn moddee‐oaldey jollyssagh. Ver shiu enney orroo liorish nyn mess: vel mess y villey‐feeney er ny heiy jeh drinyn, ny mess y villey-figgagh jeh onnanyn?

Myr shen ta dagh billey mie tilgey mess mie, agh ta drogh villey tilgey drogh vess.

Cha vod billey mie drogh vess y chur magh, ny drogh villey mess mie.

Ta dy chooilley villey, nagh vel gymmyrkey magh mess mie, dy ve giarit sheese as tilgit ayns yn aile.