John 15 - 인기 성경 구절

공유

Keima lengpigui kahi, nangho abah nahiuve. Ama keija uma, Keima ama-a kaum mi chu hagan agaji; ajeh chu kei louvin nanghon ima nabol theipouve.

Keijah um jingun, kei jong nangho-a uminge. Abah lengpiguija aum loule achanga aga thei lou banga chu, nangho jong keija naum louvule naga thei lou dingu ahi.

Nangho keija naum uva, chule ka thu nangho-a aum jinga ahileh, nagotchan thumun, kibolpeh ding nahiuve.

Nanghon keima neilhenu ahipoi, keima joh-in nangho kalhen doh-a, nacheuva haga nagauva chule nagau aumna dinga kapansah nahiuve; chutia chu ipi hijongle Pa henga kamina nathum chanu chu, aman napeh dingu ahi.

Min ajol agol dinga ahinna apeh sanga ngailut chungnungjo koiman aneipoi.

Keija um abah aga lou lou chu aman apaidohjin; aga chengse chu aha ga chehna dingin amal ngimjin ahi.

Kathupeh hiche hi ahi, keiman kangailut bangu hin, nangho khatle khat kingailuto cheh-un.

Hichea hin nangho haga nagau hin ka Pa choi-at nin aumji; chule hitia chu nangho kaseijui nahi dingu ahi.

Keima lengpigui tahtah kahi; chule ka Pa aleilhou ahi.

Mi keija umlou chu, abah bangin paidoh-in aumjin, chule agopjin; chule min hicheho chu achom khomun mei sungah asep lutjiuvin ahile akavamjitai.

Kakipana nangho-a aum jingna dingle, nakipanao akimna dinga, hicheng thuhi najah uva kasei ahi.

Keiman ka Pa thupeh ho kanit sohkeija, angailutna kaum bang hin; nanghon kathupeh ho nitleu chun, kangailutna-a naum jing dingu ahi.

Nangho khatle khat naki ngailut to chehna dinguva, thupeh hicheng hi kapeh nahiuve.

Nangho vannoi'a hileu chun vannoi'in ama-a chu angailut ding ahi; hinlah tun nangho vannoi'a nahi louvu, vannoi'a kona keiman kalhendoh nahiuvin, hiche jeh-a chu vannoi'in nahotnu ahi.