路加 9 - 인기 성경 구절

공유

耶穌又對大家講：「想愛跈𠊎个人，就愛放掉自家，逐日擎起佢个十字架來跈𠊎。

因為想愛救自家生命个人，反轉會喪失生命；為到𠊎喪失生命个人，反轉會得到生命。

耶穌對佢講：「手捍等犁仔耕田又緊看後背个人，堪毋得做上帝國个人。」

人若係賺到全世界，總係喪失抑係損害自家个生命，有麼介路用呢？當然無！

無論麼人，因為𠊎㧯𠊎个教訓感覺見笑，人子在佢㧯厥爸並聖天使个榮光中降臨該時，也愛看佢做見笑个人。

耶穌講：「狐狸有窿，鳥仔有藪，總係人子連墊頭个所在也無。」

然後對佢等講：「為到𠊎个名接待這細人仔个，就係接待𠊎；接待𠊎个，就係接待該差𠊎來个。你等當中，麼人係最微細个，麼人就係最偉大个。」