Jɛnesis 1 - 인기 성경 구절

공유

Ade kikɛ be kaman nɛ Ebɔrɛ naŋ kaŋɛ: “Men shin nɛ an to edimɛdi nɛ b baa du fanɛ anyi, nsaa ji eleŋ ashi ekɔrɔtɔ so nɛ mbuibi so nɛ asɔ gbeyesoana so nɛ asɔ belaso na kikɛ so nɛ kasawule kikɛ nyam so.” Kumo be kaman nɛ Ebɔrɛ to dimɛdi fanɛ mo gbagba be kumu nɛ mo gbagba be kaduli. Enyɛn nɛ eche nɛ e daŋ to bumo.

Ndoŋ nna nɛ Ebɔrɛ nɛfa bumo nseŋ kaŋɛ bumo le: “Men kurge n wora keshi n salga to n sɔ kasawule so kikɛ nsaa ji eleŋ kumo so. Men baa ji eleŋ ekɔrɔtɔ so nɛ mbuibi so nɛ asɔ gbeyeso kikɛ nyam so.”

Durnya be sososo na, esoso nɛ kasawule nɛ Ebɔrɛ to.

Loŋ be saŋɛ na shɛŋ shɛŋ daa maŋ wɔ kasawule so, amoso k daa du nna le muntuluŋ. Kumo be jemanɛ na so nchu e daa la kaplɛkama nɛ tentembiri daŋ sɔ kakpa kikɛ le mina nɛ Ebɔrɛ be Kiyoyu daa lɛa a lɛa nchuana na so.

Ndoŋ nna nɛ Ebɔrɛ kaŋɛ: “Shin nɛ kefulto e lar n fulto.” Epul na to nɛ kaboŋ fulto par.

Ebɔrɛ ka keni asɔ nɛ e wora na kikɛ nɛ e wu fanɛ amo kikɛ walɛ ga. Ndoŋ nna nɛ kanyɛ biri nɛ kare chɛ ŋ ki kachɛ lelemu shesopo na.

Nɛ Ebɔrɛ wu fanɛ kefulto na walɛ, nɛ e barga kefulto na be saŋɛ ashi tentembiri be saŋɛ to.

Kede be kaman nɛ Ebɔrɛ naŋ kaŋɛ bumo le: “Men nu nfe. N ta asɔduuso fanɛ ayu be yiri yiri to nɛ ndibi sɔrso kama nɛ amo be asɔrso kɔ bibi a wɔ kasawule ere kikɛ so n sa menyi nɛ a baa la asɔ jiso n sa menyi.

E ka wora loŋ na nɛ e nase kefulto be saŋɛ na kapa nseŋ nase tentembiri be saŋɛ na malɛ kanyɛ. Ndoŋ nna nɛ kanyɛ biri nɛ kare chɛ ŋ ki kachɛ lelemu juŋkparso na.

Kachɛ juŋkparso na be kaman nɛ Ebɔrɛ kaŋɛ: “Shin nɛ kunji e barga nchuana na to nɛ ako e baa wɔ esoso nɛ ako malɛ e baa wɔ kaseto.” Nɛ loŋ wora.

Ama kasawule ere so be asɔbɔya bre kikɛ nɛ mbuibi be yiri yiri kikɛ nɛ asɔ gbeyeso be yiri yiri kikɛ nɛ kusɔ futeso kikɛ nyam bre afitiri nɛ afantaŋ bumbuŋ nɛ n sa amo nɛ a baa la amo be ajibi.” Nɛ loŋ wora.

Kachɛ sasopo na be kaman nɛ Ebɔrɛ naŋ kaŋɛ: “Shin nɛ kefulto e lar awɔlpa to m barga kapa ashi kanyɛ to nseŋ shin nɛ a baa ŋini jemanɛ nɛ saŋɛ nɛ nchɛ nɛ nfɛ bee fara.

Kumo be kaman nɛ Ebɔrɛ naŋ kaŋɛ le: “Shin nɛ asɔduuso be yiri yiri to fanɛ ayu be yiri to nɛ ndibi sɔrso be yiri to kikɛ e fara a kɔr kasawule so nseŋ sɔr amo be yiri to be asɔrso.” Nɛ loŋ wora.

Loŋ ka wora nɛ Ebɔrɛ barga nchu na to ntunnyɔ, n shin nɛ katuŋ ko wɔ esoso nɛ kuko malɛ wɔ kasawule nɛ kunji wɔ amo be nferinto.

Ndoŋ nna nɛ asɔduuso be yiri yiri fanɛ ayu be yiri to nɛ asɔrso be yiri to kikɛ kɔr nɛ kekama sɔr kumo be yiri to be asɔrso be bibi. Nɛ Ebɔrɛ wu fanɛ a walɛ.

Kede be kaman nɛ Ebɔrɛ to asɔ fultoso anyɔ n shin nɛ kegboŋi na bee ji eleŋ kapaso nɛ kekakarbi na malɛ bee ji eleŋ kanyɛso. Loŋ be saŋɛ na nɛ e daŋ to achɛkpabi gba n ti so.

Kachɛ nyɔsopo na be kaman nɛ Ebɔrɛ naŋ kaŋɛ: “Shin nɛ nchu nɛ a wɔ awɔlpa be kaseto na e gama abar so kaboŋ koŋwule n shin nɛ kasawule malɛ e di efuli.” Nɛ loŋ wora. Loŋ ka wora na nɛ Ebɔrɛ nase kaboŋ wɔlso nɛ k di efuli na kasawule nseŋ nase nchuana nɛ a ba abar so na eteku. E ka wora loŋ na nɛ e wu fanɛ k walɛ.

Ndoŋ nna nɛ Ebɔrɛ nɛfa asɔ na kikɛ nyam nseŋ kaŋɛ: “Men baa wɔtɔ a kurge nsaa to a bure bibi n salga to n sɔ nchuana to nɛ mbuibiana na malɛ gba e salga to n sɔ durnya to kikɛ verr.”

Ndoŋ nna nɛ Ebɔrɛ naŋ kaŋɛ: “Shin nɛ asɔbɔya be yiri yiri e lar a wɔ kasawule so, amo nɛ baa bela nɛ amo nɛ a wɔ kupuŋ to, begboŋi nɛ bewurbi kikɛ nyam.” Nɛ loŋ wora.

Kede be kaman nɛ Ebɔrɛ naŋ kaŋɛ: “Shin nɛ asɔ futeso be yiri yiri e sɔ nchuana na to nseŋ shin nɛ mbuibiana malɛ e sɔ esoso a firgi.”

Ebɔrɛ ka to amo kikɛ na nɛ e wu fanɛ kusɔ kama walɛ.