Genesis 9 - 인기 성경 구절

공유

As dooyrt Jee, Shoh cowrey yn chonaant ta mee dy yannoo eddyr mish, as shiuish, as dagh cretoor bio ta mêriu, son sheelogheyn foddey beayn: Ta mee soiaghey my gholl-twoaie ayns y vodjal, as bee eh son cowrey jeh yn chonaant ta eddyr mish as y seihll.

As bee yn goll-twoaie ayns y vodjal; as jeeagh-ym er, dy voddym cooinaghtyn er y chonaant dy bragh farraghtyn, ta eddyr Jee as dy chooilley chretoor bio, jeh dy chooilley eill t’er y thalloo.

Quoi-erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

As vannee Jee Noah as e vec; as dooyrt eh roo, Bee-jee messoil, as jean-jee bishaghey, as jean-jee yn seihll y aa-lhieeney.

Bee dy chooilley chretoor ta bioys ayn son beaghey diu; eer myr glassyragh y vagher ta mee er choyrt diu dy chooilley nhee

As bee yn aggle as yn arrym reueish er ooilley beiyn y thallooin, as er ooilley eeanlee yn aer, er ooilley ny ta gleashagh er y thalloo, as ooilley eeastyn ny marrey: fo yn laue euish t’ad er nyn goyrt.

As shiuish, bee-jee messoil, as jean-jee bishaghey; as coamree-jee yn seihll dy palchey, as jean-jee bishaghey ayn.