Genesis 11 - 인기 성경 구절

공유

As dooyrt y Chiarn, Cur-my-ner ta’n pobble myr unnane, as ta’n un ghlare oc ooilley: as shoh t’ad er ghoaill orroo dy yannoo; as nish cha bee nhee erbee er ny lhiettal voue, t’ad er n’ghoaill ayns laue dy yannoo. Tar-jee, lhig dooin goll sheese, as ayns shen coyrt shaghrynys er y ghlare oc, nagh vod yn derrey yeh toiggal glare yn jeh elley.

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

Shen-y-fa te enmyssit Babel, er-yn-oyr dy nee ayns shen hug y Chiarn shaghrynys er glare ooilley yn seihll: as veih shen ren y Chiarn ad y skeayley harrish slane eaghtyr y thallooin.

As va’n seihll ooilley jeh’n un chengey, as jeh’n un ghlare.

As haink y Chiarn neose dy chur-my-ner yn ard-valley, as y toor va cloan gheiney dy hroggal.

Er shoh ren y Chiarn skeayley ad magh veih shen harrish slane eaghtyr y thallooin; as scuirr ad veih troggal yn ard-valley.