LUKE 6 - 인기 성경 구절

공유

Zanyo vi nyuri tsüluo, jütathuoüji nyuri nga no tsü lenaveh, küto mühie sheh, teke, küjike thi müzhiechü taji nohri athsü lovü nga thsetsü naveh. Noh nüh kütokütsüvünüh nyuri nga kütotsüle naveh,” ti küza.

Anyi kümühieri tü mari luoveh kümühie lovü nüh kümühieshuveh, thi anyi kümüsüri tü mari luoveh kümüsü lovü nüh kümüsü shuveh, küpakenühnyunü luoveh lovü mowa tü veh nüh apo vünüh phrazhuzhuti.

Thitü no mükünongüri kümüze luo thi mari vü kümühie saluo, thi mari vü zanyo küüna luo, thitü ngule nati mümüngu tümü, jütathuoüji no jisuowa tü jisheh na thi noh tü Kümüsietsawa tsa sara naveh, küpakenühnyunü ma thuoüji kümüna vi nyuri mükütsüngüri vü nga thi zanyokümükari vü nga azhünyi küveh kenüh.

Nohri Pawa nüh küümze küpro kümüjie nohri nga küümze pro luo.

“Nyuri müküle mphatümü, jütathuoüji nyuri nga nomüküle küphawanyu, nyuri müshe mümüsütümü, jütathuoüji nyuri nga no müshe kümüsüwanyu, noh nyuri müküle nojatsüluo, jütathuoüji nyuri nga no müküle nojatsü naveh.

“Thitü hi nüh eh zhüküna küvehri vü küza naveh, nohri mükünongüri kümüze luo, thi no kümürhüri vü kümühie saluo. Tsia no küümzeri tsüluo, nohri phraküümüsüri kenüh kükhuo saluo.

Thi nyuri nüh nohri vü mokümjie sathuoüji nohri lozheveh nüh, nohri nga jükümjie nyuri vü satsüluo.

Thari nüh no nakie je naveh nüh kürele küpa wuo vü nga tsüluo, thi thawa nüh no thsü vi nta nüh noh satsaküüzhuvüh nga tsümü luo. Nyi küsüküsü nga satü no vü zanyo khuoküruwa tsüluo, thi thawa nüh noh zanyo vitewa naveh nüh mükhuole tümü luo.

“Küpakenühnyunü arhu kümühietü avi kümüsü küpewanyu, nyutü arhu kümüsü tü avi kümühieküpewanyu

küpakenühnyunü arhu küsüküsü nga ma vi vünüh thsüra veh. Jichuo tü rüzhü thso vünüh laramüveh.