HAOKAPHOK 9 - 인기 성경 구절

공유

Kala Varena hānga, “I eina nathum kala nathumli ngasoda khalei manglākapai saikorawui alungli iwui tuingashit khudam hi khanaowa mithot eina tangda leira. Iwui chāngjingawut muiyā tungli haihaira, hina I eina okathui tuingashitwui khudam sāra.

Muiyālungli chāngjingawut kashok tharān ina chi yanglaga Vare eina okathuili khalei asā khavaibingwui kharinga yur kachiva̱wui ngachaili katang makhavai tuingashit chi ina phaningungra.”

Kachikathāna mi akhali ashee tāngasakakha alila mina ashee tāngasakra, kachiwui vangkhala kaja mi hi Varewui sakrin khuida sākahaina.

Varena Noah kala anaomayara ngarāli somida hānga, “Athei matheida mataisanglu, kala okathui chipemlu.

Khangatha̱a kharing yur saikora nathumwui kashakazāsera; kala ina nathumli khamateka thingnā-ra̱hā mikahai thāda ot kachiva̱ mihaira.

Okathuiwui sāyur kachiva̱, khamasaiwui vānaoyur kachiva̱, ngaleili ngarikazat yur kachiva̱ kala tara̱lungli khalei khaihyur kachiva̱ nathumli ngacheera; athum saikora nathumwui pāngli horsangmi kahaina.

Chieina nathum athei matheida khamataila mataisanglu, mayāsangda apam kachiva̱li okthuilu.”