मत्ती 28 - 인기 성경 구절

공유

ती तप्‍की ख्‍यिराङ गल्‍नी लुङ्‍बा तेरीकी मिरिकतिवाला ङे लोमा जो, तमा पपा कोन्‍छ्‍योक ताङ पुज्‍युङ ताङ खोकी थु चाङ्‍माकी मिङला तिवाला बप्‍तिस्‍मा बिन। तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

यिने ती देवाच्‍येनकी लेन क्‍योलुप थु तीकी ती पुम्‍पेजातिवाला “ख्‍यिराङ ज्‍यिवा माकी। ख्‍यिराङ ग्‍यङ्‍शिङला कल्‍नी काँडी दाप्‍नी सेतुप येशूला छलुप ति ङला छ्‍या वे। खो याङ दे मे, खोकी सुङ्‍गुप दोके खो टुङ्‍गुप ने ङोसु लासुङ। दे वानी खोकी फुङ्‍बु ज्‍यकुप दासाला ल्हो।

तमा येशूकी तिवाला सुङ्‍सुङ, “ज्‍यिवा माकी। ख्‍यिराङ गल्‍नी ङे लोमातिवाला गालीलला ग्‍युक सिनी लोप। ते तिवी ङला ठेकिवी।”

तमा कोङ्‍यार छ्‍येतिवा यहूदी गोमा कितुप छ्‍येतिवा ताङ मुला जोम्‍नी केवुल क्‍यासिमा र्‍हेन्‍दुप मक्‍मीतिवाला टङ्‍गा बङी तेरिन सिरा दुक सिक्‍यासुङ, “ख्‍यिरा ‘नुपला ङ्‍यिराङ ङ्‍यी गलुप पेला येशूकी लोमातिवा वानी तीकी रो ति कुनी खुन गाल्‍नोक।’ सिनी सिसा। दोजो रोमी ठिम कितुप मी छ्‍येकी दी ताम्‍ङे थोसिनाङ ङ्‍यिराङ तीकी मुला ताम्‍ङे ल्‍यामु क्‍यानी ख्‍यिराङला काङ साङ दुक्‍पा तेर मिज्‍यितो।” सिनी सिक्‍यासुङ। तमा र्‍हेन्‍दुप मक्‍मीतिवी टङ्‍गा लानी तिवी लापुप दोके तेरी क्‍यासुङ। ती ताम्‍ङे ति तसाम सेक साङ यहूदीतिवी पर्ला टम्‍नी नोक।