Juan 1 - 인기 성경 구절

공유

Meneng pengkey sinu se migsagman kandin aw nemenal kandin, yan se otaw mepakay meinang menge batà te Timanem.

Gebii te wedà pa inangi se keneyonan, tapay sikandin doen iningedanan Kagi te Timanem. Sikandin se doma te Timanem, aw sikandin heman se ontò Timanem.

Yan heman se mekelowa te kengitngit. Wedà palos pekedaeg se kengitngit diyà te lowa sìyan.

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Wedad palos ininang aw kenà pineokit kandin, so ininang te Timanem se kedita pineokit kandin. Sikandin se eglekatan te pedowan te kedita, aw yan se lowa eg-anyag diyà te kengitngit kidoen te pedowan te kedita te otaw.

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

Dimini si Jesus te keneyonan, meneng pengkey ininang te Timanem se kedita dini te keneyonan pineokit kandin, wedà sikandin kilelai te menge otaw. Pengkey dimoton te ogpeanan te kandin kedomaan, meneng wedà dan pegsagman kandin.

Se benal lowa, yan se dimini te keneyonan amon mekelowa te kengitngit kidoen te pedowan te kedita te otaw.

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.