Kĩambĩrĩria 39 - 인기 성경 구절

공유

MWATHANI aarĩ hamwe na Josefu, na nĩagĩtũmire agaacĩre. Agĩtũũra kwa mũnene ũcio wake Mũmisiri

Kwoguo Potifaru akĩnengera Josefu wĩra wa kũrũmbũyania na indo ciake ciothe; we ndarĩ ũndũ aarũmbũyanagia naguo tiga o irio cia nda yake. Josefu aarĩ mũndũ wonekaga e na kĩũga kĩega, na aarĩ mũthaka.

Mũnene wa njeera agĩgĩtua Josefu mũnene wa oohwo acio angĩ oothe, na mũrori wa maũndũ moothe marĩa meekagwo kũu njeera.

Agĩkĩnyiita Josefu akĩmũikia njeera kũrĩa oohwo a mũthamaki maikagio, agĩikara kuo. No MWATHANI aarĩ hamwe na Josefu, agĩkĩmũraathima, na kwoguo mũrangĩri wa njeera nĩakenirio nĩ Josefu.

Thuutha wa matukũ manyiinyi, mũtumia wa mwathi wake, akĩambĩrĩria kwĩrirĩria Josefu, agĩkĩmwĩra atĩ akome naake. No Josefu akĩrega akĩmwĩra atĩrĩ, “Mwathi wakwa, ndarũmbũyanagia na ũndũ o na ũrĩkũ wa mũciĩ tondũ ndĩ gũũkũ. Nĩanduĩte nũmbũyanagie na indo ciake ciothe. Niĩ-rĩ, ndĩ na ũnene wothe mũciĩinĩ ũyũ o ta ũrĩa we mwene e naguo, na ndarĩ kĩndũ o na kĩmwe angirĩĩtie tiga o wee wiki tondũ wĩ mũtumia wake. Rĩu-rĩ, no njĩke ũndũ wa waganu ta ũcio, na ndiĩhie mbere ya Ngai?”

No rĩĩrĩ, mũthenya ũmwe Josefu nĩathiire nyũmba kũruta wĩra wake, na kũu nyũmba thĩinĩ gũtiarĩ mũruti ũngĩ wa wĩra. Mũtumia ũcio akĩmũnyiita nguo, akĩmwĩra atĩrĩ, “Ũka ũkome na niĩ.” No Josefu akĩũra akiuma nja, agĩtiga mũtumia ũcio anyiitĩĩte nguo ĩyo yake.