Luka 8 - 인기 성경 구절

공유

Nomba ishaponene mu mushili usuma, e bantu abomfwa ishiwi lyakwa Lesa no kulisunga ne mitima isuma, mu bufumacumi. Balemenena mwishiwi no kuibikilishapo basuka batwala ifitwalo.

Ishaponene mu myunga, e bantu abomfwa ishiwi, lelo umuila inshiku, isakamika, ifyuma no bwangashi bwa pano calo fyatusha ishiwi, lyafilwa no kutwala ifitwalo.

Ishaponene mu mushili wa nsakalabwe, e bantu abomfwa ishiwi, balipokelela ne nsansa. Nomba ico lyafilwa ukwanda imishila, basuminafye pa kashita akanono. Ilyo kwaisa intunko, banenuka.

Elyo abeba ati, “Nge cisumino cenu cili kwi?” Awe umwenso wabekata, balapapafye, baleipushanya abati, “Ngoyu nani, uwakuti akalipila icimwela na matamba, nafyo filemubeela?”

Imbuto shaponene mumbali ya nshila e bantu abomfwa ishiwi lyakwa Lesa. Elyo Ciwa aisa, nao afumya ishiwi mu mitima yabo, pakuti besumina, bemona ukupusuka.

Pantu takwaba nelyo cimo icafisama icishakasokoloke. Kabili takwaba nelyo cimo icankaama icishakeshibikwe no kucileta pa bwelu.

Elyo umwanakashi amona ukuti naishibikwa. Awe aisa fukama apali Yesu aletutumafye. Elyo pa cinso ca bantu bonse alashimikila Yesu icilengele ukuti amukumye nefyo apolele apopenefye. Yesu amweba ati, “We mwana, icisumino cobe ecakuposha, kabiye umutende.”

Abasambi epakuya kuli Yesu, balamushibusha abati, “Shikulu, ala twafwa!” Elyo Yesu abuuka, akalipila icimwela ne fimatamba. Awe nafyo fyaleka, patalala na tondolo.