JOHAN 16 - 인기 성경 구절

공유

Keima a hamuonna na nei theina dingun, tam thute na kung ua ka gen ahi. Leitungah gim gentheina na thuoh ding uhi; hinanleh kipah thanuom in um un, Ken leitung ka zouta hi,” achi hi.

Bangtenghitaleh thutah Hagau ahing tun chiengin, thutah zousie ah noute ahing puilut ding; aziehpen Ama thuneina in bangma agen sih dinga, hinanleh azah pouma agen zaw ding hi; tualeh sil hing tung dingte noute ahing hil ding hi.

Tutanin Ka min in bangma na ngen nai sih uh; ngen un na mu ding uh, na kipahna uh abukimna dingin.

Ahivang in thutah ka hing hil ahi. Ka peimang ding nou a dingin ahoizaw hi; aziehpen ka peimang sihleh, Hamuonpa na kung uah, ahing pei sih ding hi. Hinanleh ka peimang leh na kung uah Ama ka hing sawl ding hi. Ama ahing tun chiengin, khelna thu ahte, dihtatna thu ahte, tualeh vaihawmna thu ahte, leitung asiemlou dan atheisah ding hi.

Tuaziehin nouten zong tuin lunggimna na nei uhi, Hinanleh noute ka hing mu kia dinga, na kipah mama ta ding uhi, tualeh na kipahna uh koiman ahing lahpieh sih ding hi. Tua ni chiengin nouten bangma na hing ngen sih ding uhi. Chitahtahin ka hing hil ahi, ka min a Pa kunga na nget pouma uh, Aman noute ahing pe ding.

Chitahtah vawt in ka hing hil ahi, noute na kap ding ua, na mau ding uh, hinanleh leitung akipah ding; noute na lunggim ding ua, hinanleh na lunggimna uh kipahna asuoh ding hi.