Génesis 9 - 인기 성경 구절

공유

”An bemar-ebo, degine, an bela ibmar-durganbo-igar-mesnaidi, degisadegu maiguoed. A-e-wilubgan weyob maiguoed: Sue maiguoed. Mogir-imbaba an sue-mesoedi, we-napnegbo an igar-mesoed-e-wilubga guoed.

Mogir-imbaba sue megnonikile, an dakoed. Agi, ani, Bab-Dummad, bela dulemarbo, degine, bela ibmar-durgan-we-napneggi-bukmaladbo degisadegu-igar-mesisad an ebinsaoed.

Ar Bab-Dummad dule e-sunnague-obinnissoggu, dule-gwensak dule-oburgwisale, dule-baid a-dule-oburgwemogoed.

Bab-Dummad Noéʼgi, degi, e-masmalagi ise-nued binsasad. Weyob ega sogsad: “Mimmigan-bukidar be nikumar, we-napneggi dula be omelomar, bela we-napneg-ugakaase ambikumar.

”Bela ibmar-dulamalad, degi, gagan-araragana-sunna-gullemalad sunna bemar gunmaloed. Ani an bela bega uknaid.

Bela we-napneggi ibmar-dula-gudidimalad be-dobedba bemar-asabin gwakidmaloed: Bela ibmar-durgan-gukumalad, bela ibmar-durgan-napaginmalad, bela ibmar-durgan-napagi-garmakdimalad, bela ibmar-durgan demarginmalad. Bela-a-ibmar-durgangi be obine gumaloed.

”Bemardi mimmigan-bukidar nikumar. Be-mimmigan we-napneggi mergumai gusun.”