Aruamu - 2004 Edition (NT) Drama

<div class="version vid913 iso6393msy" data-vid="913" data-iso6393="msy">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="ms">Iesus uan ingangarim gamua egha Sabat&#616;n dughiabar gumazamizibar sure gami</div><div class="mr">(Sapta 5-10)</div><div class="s">Iesus Betesdan mozir d&#616;pam&#616;n gumazir mam gamiz&#616; a ua dera</div><div class="p"> 1Dughiar maba g&#616;vaz&#616;, Judabar isar ekiam otoz&#616;ma, ez&#616; Iesus isam bagha Jerusalem&#616;n nguibar ekiam&#616;n ghu.#(5:1) Jon&#616;n ak&#616;nafarim&#616;n aven itir saptan 5, 6, 7, 8, 9, ko 10, Iesus Sabat&#616;n dughiaba ko Judabar Isar Ekiam&#616;n dughiabar, ingangarir av&#616;ribar akaba iti. N&#616; gans&#616;, Luk 5:1, 5:9, 6:4, 7:2, 10:22. Fofozir gumazir av&#616;riba kamagh&#616;n n&#616;ghn&#616;si, Jon kamagh&#616;n en akaghasa, Iesus a Judabar Dughiar Ekiaba, a uab&#616; dar m&#616;ngarim. N&#616; gans&#616;, Luk 2:13 ko 2:23 ko 11:55. 2Ez&#616; Jerusalem&#616;n mozir d&#616;par ekiar mam iti, ez&#616; Hibrun akam me Betesda, a gar&#616;si. A Sipsipba Aven Zuir Tiar Akar Ekiam&#616;n borogh&#616;ra iti. Ez&#616; mozir d&#616;par kam&#616;n m&#616;riam azuarir 5 pla iti.#(5:2) Dughiar kam Jerusalem nguibam&#616;n d&#616;vazir bar ekiam iti. Ez&#616; tiar akar av&#616;riba an iti. Ez&#616; tiar akar kabar mam, an ziam Sipsipba Aven Zuir Tiar Akam. Betesdan mozir d&#616;par ekiam, a tiar akar kam borogh&#616;ra iti. 3-4Ez&#616; azuarir kaba ar&#616;mariar gumazamizir av&#616;rim dar iti, damazir okav&#616;r&#616;ziba ko suer kuraba, ko soroghafariba am&#616;raziba.#(5:3-4) Fofozir gumazir maba ghaze, akar igharazir mam uaghan vez&#616;n kam iti. Akar kam kamak&#616;n: &#8220;Me d&#616;par kam siravamangasa, me a m&#616;zuai. Dughiar maba Ekiam&#616;n ensel&#616;n mam ghuaghirigha d&#616;pam gamima a siravamadi. D&#616;pam siravamangigha g&#616;vaz&#616;, gumazir ar&#616;mariar manam itim, a d&#616;pam&#616;n aven mag&#616;r&#616;gh, egh a ua deragham.&#8221;</div><div class="p"> 5Gumazir mam an azuarir mam&#616;n iti, an suemning bar am&#616;raz&#616;ma a 38 plan azenibar ar&#616;mariar kam an iti. 6Ez&#616; Iesus gumazir kam&#616;n garima a ir&#616;ghav iti, ez&#616; a fo, a fom&#616;ram ar&#616;a iti. Ez&#616; Iesus an azara, &#8220;N&#616; ua deraghasa n&#616; ifonge?&#8221;</div><div class="p"> 7Ez&#616; ar&#616;mariar gumazim kamagh&#616;n Iesus&#616;n akam ikara, &#8220;Gumazir ekiam, k&#616; akurvazir gumaziba puvat&#616;. D&#616;pam s&#616;rvamadir dughiam, gumazitam na inigha ghua mozir d&#616;pam&#616;n averiam gat&#616;zir puvat&#616;. K&#616; uab&#616; mangasa ifonge, ez&#616; gumazir igharaziba faragha ghuaghira egha na gafisi.&#8221;</div><div class="p"> 8Ez&#616; Iesus kamagh&#616;n a m&#616;gei, &#8220;N&#616; d&#616;kavigh&#616;va uan daguivsiaba inigh, daru mang&#616;.&#8221; 9Ez&#616; gumazir kam&#616;n suemning zuam&#616;ra ua dera. Ez&#616; a uan daguivsiaba inigha egha zui.</div><div class="p">Ez&#616; dughiar kam a Sabat&#616;n dughiam, 10ez&#616; Judaba me gumazir kam&#616;n ganigha egha kamagh&#616;n a m&#616;gei, &#8220;Dat&#616;r&#616;gh&#616;n Sabat&#616;n dughiam. Moses Osirizir Araziba, da ghaze, n&#616; Sabat&#616;n dughiam&#616;n uan daguivsiaba ater daruan kogham.&#8221; 11Ez&#616; a kamagh&#616;n men akam ikara, &#8220;Gumazir na gamiz&#616;ma k&#616; derazim, a kamagh&#616;n na m&#616;gei, &#8216;N&#616; d&#616;kavigh&#616;va uan daguivsiaba inigh, daru mang&#616;.&#8217;&#8221;</div><div class="p"> 12Ez&#616; me an azara, &#8220;Gumazir manamra, n&#616; m&#616;g&#616;a ghaze, &#8216;N&#616; d&#616;kavigh&#616;va uan daguivsiaba inigh, daru mang&#616;.&#8217;&#8221; 13Ez&#616; gumazir ua derazir kam a fozir puvat&#616;, tinara a m&#616;keme. Dughiar kam gumazamizir av&#616;rim nguibar kam&#616;n iti, ez&#616; Iesus men tong&#616;n suiaghr&#616;gha ghu. Kamagh&#616;n amiz&#616;ma, gumazir kam fozir puvat&#616;, tina an akura.</div><div class="p"> 14Ez&#616; g&#616;n Iesus God&#616;n d&#616;penim&#616;n m&#616;riam&#616;n aven ghua an garima a iti. Ez&#616; Iesus a m&#616;gei, &#8220;N&#616; oragh. N&#616; dat&#616;r&#616;gh&#616;n ua dera. N&#616; uam arazir kuratam damuan mark&#616;. N&#616; oraghan koght&#616;, os&#616;mt&#616;zir bar ekiatam n&#616; batogham.&#8221;</div><div class="p"> 15Ez&#616; gumazir kam ghua kamagh&#616;n Judabav gei, &#8220;Gumazir na gamiz&#616; k&#616; derazim, a Iesusra.&#8221; 16Iesus Sabat&#616;n dughiam&#616;n bizir kabagh ami, bizir kam&#616;n Judaba os&#616;mt&#616;ziba Iesus gar&#616;gha ghaze, an en apanim.</div><div class="p"> 17Ez&#616; Iesus kamagh&#616;n men akam ikara, &#8220;Nan Afeziam a zurara ingara iza dat&#616;r&#616;k&#616;n. Ez&#616; k&#616; uaghan k&#616; ingari.&#8221; 18Ez&#616; Judaba me akar kam baregha me fo, Iesus Sabat&#616;n dughiam&#616;n Arazim&#616;n g&#616;n zuir puvat&#616;, egha a uaghan ghaze, God guizbang&#616;ra nan Afeziamra. Akar kam&#616;n, a uab&#616; uab&#616; gamigha egha God&#616;n m&#616;n oto. Kamagh&#616;n amiz&#616;, Judaba Iesus m&#616;sueght&#616; an aremeghasa me bar ifonge.</div><div class="s">God&#616;n Otarim a ingangarim damuamin gavgavim iti</div><div class="p"> 19Ez&#616; Iesus Judabar akam ikara, &#8220;K&#616; guizbang&#616;ra ia m&#616;gei, Otarim bizitam a uan n&#616;ghn&#616;zim&#616;n a damighan kogham. Puvat&#616;. An Afeziam&#616;n gari, an amir biziba darara a dagh ami. Egha bizir Afeziam amiba, Otarim uaghan dagh ami. 20Afeziam bar Otarim gifonge, egha bizir a uab&#616; amiba, a bar ada isa uan Otarim&#616;n aka. Afeziam kamagh sua, a ia damut&#616; ia d&#616;gavir kuram damuam, kamagh&#616;n a ingangarir ekiar igharaziba sara uaghan uan Otarim&#616;n akagham, da ingangarir an amigha g&#616;vazibagh afiragham. 21Afeziam gumazir ariaghrezibagh amima me ua d&#616;kavima an angamra itir ik&#616;r&#616;m&#616;rim me gan&#616;di. Ez&#616; kamagh&#616;ra Otarim uaghan gumazir a m&#616;seveziba angamra itir ik&#616;r&#616;m&#616;rim me gan&#616;di. 22Afeziam kot&#616;n gumazitam&#616;n araziba tuis&#616;zir puvat&#616;. Egha gumazibar araziba tuis&#616;ghamin ingangarim, an a isa Otarim gan&#616;ngi. 23Afeziam kamagh sua, gumaziba bar Afeziam&#616;n ziam fe mogh&#616;n, me Otarim&#616;n ziam fam, kamagh&#616;n a gumaziba tuis&#616;ghamin ingangarim isa Otarim gan&#616;ngi. Gumazim Otarim&#616;n ziam fer puvat&#616;, an Afeziar Otarim amadazim&#616;n ziam fer puvat&#616;.</div><div class="p"> 24&#8220;K&#616; guizbang&#616;ra ia m&#616;gei, gumazim nan akam baragha, egha n&#616;ghn&#616;zir gavgavim Afeziar na amadazim&#616;n ikiava, egha a zurara itir ik&#616;r&#616;m&#616;rir aghuarim iti. A kotiaba puvat&#616;. An ovevem ategha, egha dat&#616;r&#616;gh&#616;n an angamra iti.</div><div class="p"> 25&#8220;K&#616; guizbang&#616;ra ia m&#616;gei, dughiar otivamim, a dat&#616;r&#616;gh&#616;n otogha g&#616;fa. Ez&#616; gumazir ariaghreziba me God&#616;n Otarim&#616;n akam baragham. Gumazamizir a baraghiziba, me angamra ikiam. 26Afeziam, a uab&#616; ik&#616;r&#616;m&#616;rir zurara itim an&#616;ngamin gavgavim iti. Kamagh&#616;ra a uan Otarim gamiz&#616;, a uaghan ik&#616;r&#616;m&#616;rir zurara itim an&#616;ngamin gavgavim iti. 27A Gumazibar Otarim, kamagh&#616;n amiz&#616;ma Afeziam gumazibar araziba tuis&#616;ghamin gavgavim a gan&#616;ngi. 28Ia nan akar kam inigh egh d&#616;gavir kuram damuan mark&#616;. Dughiam otivasava amima gumazir ariaghreziba, me bar Otarim&#616;n akam baragham. 29Egh me bar moziba ategh azenim&#616;n izam. Gumazamizir arazir aghuibagh amiziba, me ua d&#616;kavigh&#616;va egh zurara angamra ikiam. Eght&#616; gumazamizir arazir kurabagh amiziba, me ua d&#616;kavigh&#616;va kotiam&#616;n ikiam, eght&#616; k&#616; kamagh&#616;n me m&#616;k&#616;mam, me bar hel&#616;n mang&#616;va ivezir kuram iniam.&#8221;</div><div class="s">Marazi uaghan ghaze, Iesus a tina</div><div class="p"> 30Egha Iesus kamagh&#616;n m&#616;gei, &#8220;K&#616; uab&#616; uan n&#616;ghn&#616;zim&#616;n g&#616;n mang&#616; bizitam damighan kogham. K&#616; akar Afeziam da inizim&#616;n g&#616;n ghua, egha gumazamizibar araziba tuis&#616;si. K&#616; uab&#616; uan ifongiam&#616;n g&#616;n zuir puvat&#616;. K&#616; Afeziam&#616;n ifongiam&#616;n g&#616;n zui, anemadaz&#616;ma k&#616; ize. Kamagh&#616;n amiz&#616;, k&#616; gumazamizibar araziba derav&#616;ra da tuis&#616;si, ez&#616; nan kotiam a bar guizbang&#616;ra ghua egha bar dera.</div><div class="p"> 31&#8220;Eght&#616; k&#616; uab&#616; ua bagh uan ingangariba ko arazibar gun m&#616;k&#616;mt&#616;ma eght&#616; gumaziba n&#616;ghn&#616;zir gavgavim k&#616; gun m&#616;geir akar kam&#616;n ikian mark&#616;.#(5:31) N&#616; Lo 19:15&#616;n gan. 32Ez&#616; igharazitav a iti, egha a uaghan nan araziba ko nan ingangaribar gun m&#616;gei. Ez&#616; k&#616; fo, a kon gun m&#616;geir akam guizbang&#616;ra.#(5:32) Iesus &#8220;igharazitav&#8221; m&#616;g&#616;a, a uan Afeziam God&#616;n m&#616;gei.</div><div class="p"> 33&#8220;Iarara fom&#616;ra gumazir maba amangiz&#616; me Jon bagha ghuez&#616; a nan gun m&#616;keme, ez&#616; an akam guizbang&#616;ra. 34K&#616; uab&#616;, k&#616; gumazitam&#616;n akam nan akam gavgavim a dan&#616;ngasa n&#616;ghn&#616;zir puvat&#616;. Egha k&#616; God ian akurvaghasa, k&#616; ifonge. Kamagh&#616;n amiz&#616;, k&#616; Jon&#616;n akam&#616;n gun ia m&#616;gei. 35Jon a lam&#616;n m&#616;n ikia isia angazangarim gumazamizibagh an&#616;di. Ez&#616; dughiar otevim&#616;n ia an akam iniasa ifongez&#616; ez&#616; Jon&#616;n angazangarim ia gisiragha ia gamima ia bar akonge.</div><div class="p"> 36&#8220;Ez&#616; nan gun m&#616;geir akar mam iti, a Jon&#616;n akam gafira, akar kam dat&#616;r&#616;gh&#616;n a nan gun ia m&#616;gei. Afeziam, k&#616; ingangarir kam damuva egh aneg&#616;vasa, na gan&#616;ngi. Ez&#616; ingangarir k&#616; amir kaba, da bar deraghav&#616;ra nan gun gumazamizibav m&#616;gei, Afeziam na amadaz&#616; k&#616; ize. 37Ez&#616; Afeziar na amadaz&#616; k&#616; izezim, a uab&#616; nan gun m&#616;gei. Ez&#616; ia tong an akam barazir puvat&#616;. Egha ia dughiatam an guam&#616;n ganizir puvat&#616;. Bar puvat&#616;. 38Ia Afeziam amadazir gumazir kam&#616;n akam n&#616;ghn&#616;zir gavgavim an itir puvat&#616;. Ian arazir kaba ian gun m&#616;gei, Afeziam&#616;n akam uaghan ian navir averiabar itir puvat&#616;.#(5:38) Gumazir Afeziam amadazir kam, a Iesus uab&#616;. 39Ia ghaze, akar God&#616;n Ak&#616;nafarim&#616;n itim, a zurara itir ik&#616;r&#616;m&#616;rir aghuarim ia gan&#616;di. Kamagh&#616;n amiz&#616;ma ia akar God&#616;n Ak&#616;nafarim&#616;n itibar gara da tuis&#616;si. Ez&#616; God&#616;n Ak&#616;nafarim uaghan nan gun m&#616;gei! 40Ez&#616; ia na bagh iz&#616; zurara itir ik&#616;r&#616;m&#616;rir aghuarim inian aghua.</div><div class="p"> 41&#8220;K&#616; gumaziba da ziar ekiam iniasa, egha m&#616;g&#616;r&#616;g&#616;ar kabagh amir puvat&#616;. 42Ez&#616; k&#616; ia g&#616;fo. Ian navir averiabar, ia guizbang&#616;ra God gifongezir puvat&#616;.#(5:42) Gumazir maba akar kam giragha ghaze, &#8220;God&#616;n apangkuvim ian navibar itir puvat&#616;.&#8221; 43K&#616; uan Afeziam&#616;n ziam&#616;n ize, ez&#616; ia nan akam baraghan aghua. Eght&#616; gumazitam uab&#616; uan ziam&#616;n izeght&#616;, ia an akam zuam&#616;ram a baregham. 44Ia uan adarazira me da ziar ekiaba isi. Ez&#616; God uab&#616;ra ziar ekiam an&#616;dima, ia a inian aghua. Egh ia arazir kabar amuva, egh ia manmagh&#616;n n&#616;ghn&#616;zir gavgavim nan ikiam? Bar puvat&#616;gham!</div><div class="p"> 45&#8220;Ia kamagh&#616;n n&#616;ghn&#616;ghan mark&#616;, k&#616; Afeziam&#616;n damazim&#616;n akam ia gasam. Puvat&#616;. Gumazir akam ia gasamim, a Moses uab&#616;, a gumazir kam ia ghaze, a ian akuragham. 46Ez&#616; akar Moses osiriziba, da nan gun m&#616;gei. Kamagh&#616;n, ia Moses&#616;n akam n&#616;ghn&#616;zir gavgavim an ik&#616;va, egh uaghan n&#616;ghn&#616;zir gavgavim nan akam&#616;n ikiam. Kamagh&#616;n amiz&#616;, ia guizbang&#616;ra n&#616;ghn&#616;zir gavgavim Moses&#616;n akam ko nan akam&#616;n itir puvat&#616;. 47Ez&#616; kamagh&#616;n ia n&#616;ghn&#616;zir gavgavim Moses osirizir akabar itir puvat&#616;, egh ia manmagh&#616;n n&#616;ghn&#616;zir gavgavim na akam&#616;n ikiam?&#8221;</div>
 </div>
 </div>
</div>

Dughiar maba gɨvazɨ, Judabar isar ekiam otozɨma, ezɨ Iesus isam bagha Jerusalemɨn nguibar ekiamɨn ghu. Ezɨ Jerusalemɨn mozir dɨpar ekiar mam iti, ezɨ Hibrun akam me Betesda, a garɨsi. A Sipsipba Aven Zuir Tiar Akar Ekiamɨn boroghɨra iti. Ezɨ mozir dɨpar kamɨn mɨriam azuarir 5 pla iti. Ezɨ azuarir kaba arɨmariar gumazamizir avɨrim dar iti, damazir okavɨrɨziba ko suer kuraba, ko soroghafariba amɨraziba.
Gumazir mam an azuarir mamɨn iti, an suemning bar amɨrazɨma a 38 plan azenibar arɨmariar kam an iti. Ezɨ Iesus gumazir kamɨn garima a irɨghav iti, ezɨ a fo, a fomɨram arɨa iti. Ezɨ Iesus an azara, “Nɨ ua deraghasa nɨ ifonge?”
Ezɨ arɨmariar gumazim kamaghɨn Iesusɨn akam ikara, “Gumazir ekiam, kɨ akurvazir gumaziba puvatɨ. Dɨpam sɨrvamadir dughiam, gumazitam na inigha ghua mozir dɨpamɨn averiam gatɨzir puvatɨ. Kɨ uabɨ mangasa ifonge, ezɨ gumazir igharaziba faragha ghuaghira egha na gafisi.”
Ezɨ Iesus kamaghɨn a mɨgei, “Nɨ dɨkavighɨva uan daguivsiaba inigh, daru mangɨ.” Ezɨ gumazir kamɨn suemning zuamɨra ua dera. Ezɨ a uan daguivsiaba inigha egha zui.
Ezɨ dughiar kam a Sabatɨn dughiam, ezɨ Judaba me gumazir kamɨn ganigha egha kamaghɨn a mɨgei, “Datɨrɨghɨn Sabatɨn dughiam. Moses Osirizir Araziba, da ghaze, nɨ Sabatɨn dughiamɨn uan daguivsiaba ater daruan kogham.” Ezɨ a kamaghɨn men akam ikara, “Gumazir na gamizɨma kɨ derazim, a kamaghɨn na mɨgei, ‘Nɨ dɨkavighɨva uan daguivsiaba inigh, daru mangɨ.’”
Ezɨ me an azara, “Gumazir manamra, nɨ mɨgɨa ghaze, ‘Nɨ dɨkavighɨva uan daguivsiaba inigh, daru mangɨ.’” Ezɨ gumazir ua derazir kam a fozir puvatɨ, tinara a mɨkeme. Dughiar kam gumazamizir avɨrim nguibar kamɨn iti, ezɨ Iesus men tongɨn suiaghrɨgha ghu. Kamaghɨn amizɨma, gumazir kam fozir puvatɨ, tina an akura.
Ezɨ gɨn Iesus Godɨn dɨpenimɨn mɨriamɨn aven ghua an garima a iti. Ezɨ Iesus a mɨgei, “Nɨ oragh. Nɨ datɨrɨghɨn ua dera. Nɨ uam arazir kuratam damuan markɨ. Nɨ oraghan koghtɨ, osɨmtɨzir bar ekiatam nɨ batogham.”
Ezɨ gumazir kam ghua kamaghɨn Judabav gei, “Gumazir na gamizɨ kɨ derazim, a Iesusra.” Iesus Sabatɨn dughiamɨn bizir kabagh ami, bizir kamɨn Judaba osɨmtɨziba Iesus garɨgha ghaze, an en apanim.
Ezɨ Iesus kamaghɨn men akam ikara, “Nan Afeziam a zurara ingara iza datɨrɨkɨn. Ezɨ kɨ uaghan kɨ ingari.” Ezɨ Judaba me akar kam baregha me fo, Iesus Sabatɨn dughiamɨn Arazimɨn gɨn zuir puvatɨ, egha a uaghan ghaze, God guizbangɨra nan Afeziamra. Akar kamɨn, a uabɨ uabɨ gamigha egha Godɨn mɨn oto. Kamaghɨn amizɨ, Judaba Iesus mɨsueghtɨ an aremeghasa me bar ifonge.

Ezɨ Iesus Judabar akam ikara, “Kɨ guizbangɨra ia mɨgei, Otarim bizitam a uan nɨghnɨzimɨn a damighan kogham. Puvatɨ. An Afeziamɨn gari, an amir biziba darara a dagh ami. Egha bizir Afeziam amiba, Otarim uaghan dagh ami. Afeziam bar Otarim gifonge, egha bizir a uabɨ amiba, a bar ada isa uan Otarimɨn aka. Afeziam kamagh sua, a ia damutɨ ia dɨgavir kuram damuam, kamaghɨn a ingangarir ekiar igharaziba sara uaghan uan Otarimɨn akagham, da ingangarir an amigha gɨvazibagh afiragham. Afeziam gumazir ariaghrezibagh amima me ua dɨkavima an angamra itir ikɨrɨmɨrim me ganɨdi. Ezɨ kamaghɨra Otarim uaghan gumazir a mɨseveziba angamra itir ikɨrɨmɨrim me ganɨdi. Afeziam kotɨn gumazitamɨn araziba tuisɨzir puvatɨ. Egha gumazibar araziba tuisɨghamin ingangarim, an a isa Otarim ganɨngi. Afeziam kamagh sua, gumaziba bar Afeziamɨn ziam fe moghɨn, me Otarimɨn ziam fam, kamaghɨn a gumaziba tuisɨghamin ingangarim isa Otarim ganɨngi. Gumazim Otarimɨn ziam fer puvatɨ, an Afeziar Otarim amadazimɨn ziam fer puvatɨ.
“Kɨ guizbangɨra ia mɨgei, gumazim nan akam baragha, egha nɨghnɨzir gavgavim Afeziar na amadazimɨn ikiava, egha a zurara itir ikɨrɨmɨrir aghuarim iti. A kotiaba puvatɨ. An ovevem ategha, egha datɨrɨghɨn an angamra iti.
“Kɨ guizbangɨra ia mɨgei, dughiar otivamim, a datɨrɨghɨn otogha gɨfa. Ezɨ gumazir ariaghreziba me Godɨn Otarimɨn akam baragham. Gumazamizir a baraghiziba, me angamra ikiam. Afeziam, a uabɨ ikɨrɨmɨrir zurara itim anɨngamin gavgavim iti. Kamaghɨra a uan Otarim gamizɨ, a uaghan ikɨrɨmɨrir zurara itim anɨngamin gavgavim iti. A Gumazibar Otarim, kamaghɨn amizɨma Afeziam gumazibar araziba tuisɨghamin gavgavim a ganɨngi. Ia nan akar kam inigh egh dɨgavir kuram damuan markɨ. Dughiam otivasava amima gumazir ariaghreziba, me bar Otarimɨn akam baragham. Egh me bar moziba ategh azenimɨn izam. Gumazamizir arazir aghuibagh amiziba, me ua dɨkavighɨva egh zurara angamra ikiam. Eghtɨ gumazamizir arazir kurabagh amiziba, me ua dɨkavighɨva kotiamɨn ikiam, eghtɨ kɨ kamaghɨn me mɨkɨmam, me bar helɨn mangɨva ivezir kuram iniam.”

Egha Iesus kamaghɨn mɨgei, “Kɨ uabɨ uan nɨghnɨzimɨn gɨn mangɨ bizitam damighan kogham. Kɨ akar Afeziam da inizimɨn gɨn ghua, egha gumazamizibar araziba tuisɨsi. Kɨ uabɨ uan ifongiamɨn gɨn zuir puvatɨ. Kɨ Afeziamɨn ifongiamɨn gɨn zui, anemadazɨma kɨ ize. Kamaghɨn amizɨ, kɨ gumazamizibar araziba deravɨra da tuisɨsi, ezɨ nan kotiam a bar guizbangɨra ghua egha bar dera.
“Eghtɨ kɨ uabɨ ua bagh uan ingangariba ko arazibar gun mɨkɨmtɨma eghtɨ gumaziba nɨghnɨzir gavgavim kɨ gun mɨgeir akar kamɨn ikian markɨ. Ezɨ igharazitav a iti, egha a uaghan nan araziba ko nan ingangaribar gun mɨgei. Ezɨ kɨ fo, a kon gun mɨgeir akam guizbangɨra.
“Iarara fomɨra gumazir maba amangizɨ me Jon bagha ghuezɨ a nan gun mɨkeme, ezɨ an akam guizbangɨra. Kɨ uabɨ, kɨ gumazitamɨn akam nan akam gavgavim a danɨngasa nɨghnɨzir puvatɨ. Egha kɨ God ian akurvaghasa, kɨ ifonge. Kamaghɨn amizɨ, kɨ Jonɨn akamɨn gun ia mɨgei. Jon a lamɨn mɨn ikia isia angazangarim gumazamizibagh anɨdi. Ezɨ dughiar otevimɨn ia an akam iniasa ifongezɨ ezɨ Jonɨn angazangarim ia gisiragha ia gamima ia bar akonge.
“Ezɨ nan gun mɨgeir akar mam iti, a Jonɨn akam gafira, akar kam datɨrɨghɨn a nan gun ia mɨgei. Afeziam, kɨ ingangarir kam damuva egh anegɨvasa, na ganɨngi. Ezɨ ingangarir kɨ amir kaba, da bar deraghavɨra nan gun gumazamizibav mɨgei, Afeziam na amadazɨ kɨ ize. Ezɨ Afeziar na amadazɨ kɨ izezim, a uabɨ nan gun mɨgei. Ezɨ ia tong an akam barazir puvatɨ. Egha ia dughiatam an guamɨn ganizir puvatɨ. Bar puvatɨ. Ia Afeziam amadazir gumazir kamɨn akam nɨghnɨzir gavgavim an itir puvatɨ. Ian arazir kaba ian gun mɨgei, Afeziamɨn akam uaghan ian navir averiabar itir puvatɨ. Ia ghaze, akar Godɨn Akɨnafarimɨn itim, a zurara itir ikɨrɨmɨrir aghuarim ia ganɨdi. Kamaghɨn amizɨma ia akar Godɨn Akɨnafarimɨn itibar gara da tuisɨsi. Ezɨ Godɨn Akɨnafarim uaghan nan gun mɨgei! Ezɨ ia na bagh izɨ zurara itir ikɨrɨmɨrir aghuarim inian aghua.
“Kɨ gumaziba da ziar ekiam iniasa, egha mɨgɨrɨgɨar kabagh amir puvatɨ. Ezɨ kɨ ia gɨfo. Ian navir averiabar, ia guizbangɨra God gifongezir puvatɨ. Kɨ uan Afeziamɨn ziamɨn ize, ezɨ ia nan akam baraghan aghua. Eghtɨ gumazitam uabɨ uan ziamɨn izeghtɨ, ia an akam zuamɨram a baregham. Ia uan adarazira me da ziar ekiaba isi. Ezɨ God uabɨra ziar ekiam anɨdima, ia a inian aghua. Egh ia arazir kabar amuva, egh ia manmaghɨn nɨghnɨzir gavgavim nan ikiam? Bar puvatɨgham!
“Ia kamaghɨn nɨghnɨghan markɨ, kɨ Afeziamɨn damazimɨn akam ia gasam. Puvatɨ. Gumazir akam ia gasamim, a Moses uabɨ, a gumazir kam ia ghaze, a ian akuragham. Ezɨ akar Moses osiriziba, da nan gun mɨgei. Kamaghɨn, ia Mosesɨn akam nɨghnɨzir gavgavim an ikɨva, egh uaghan nɨghnɨzir gavgavim nan akamɨn ikiam. Kamaghɨn amizɨ, ia guizbangɨra nɨghnɨzir gavgavim Mosesɨn akam ko nan akamɨn itir puvatɨ. Ezɨ kamaghɨn ia nɨghnɨzir gavgavim Moses osirizir akabar itir puvatɨ, egh ia manmaghɨn nɨghnɨzir gavgavim na akamɨn ikiam?”

듣기 Jon 5