If you have would like a copy of this version please contact info@davarpartners.com

The Lusamia-Lugwe Bible

<div class="version vid2365 iso6393lsm" data-vid="2365" data-iso6393="lsm">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s">Endagaano ya Nasaae neende Abburamu</div><div class="p"> 1Ebyo nibyawa, Abburamu yaboneherwa, mani yaawulira Omwaami naamuboolera ati, &#8220;Abburamu otatya daawe, olwohuba njia ohuhuwonia mu bidinyu byao byoosi; haandi omukabo kwao kuchia ohuba omuhoongo muno.&#8221; 2Nae Abburamu yakobolamo yaboola ati, &#8220;Omwaami Nasaae, ochia ohumberesa omukabo siina? Olwohuba mbulaho omwaana yeesi, haandi omusiha yi ndi nae esiha sino yeeng'ene niye Elieseeri owa Damasiko.&#8221; 3Abburamu yaboola ati, &#8220;Bona, haba siwambaaho olwiibulo lwoosi; mani omwaana muwaambe owebulirwa mu daala lyaange niye sa ochia ohuba omusiha waange.&#8221; 4Mani bona, emboosi y'Omwaami yeechera Abburamu niyiboola yiti, &#8220;Omuwaambe wuno Elieseeri haba siniye ochia ohuba omusiha wao daawe; omwaana wao mweene niye ochia ohuhusihira sa.&#8221; 5#Rom 4:18; Abaib 11:12.Omwaami mani n'amutusa erwaanyi, naamuboolera ati, &#8220;Tingaala aakulu muukulu mani oteemeho ohubala eng'ining'ini, nooba n'onyala ohuchibala.&#8221; Mani naamuboolera ati, &#8220;Abeechuhulu bao bachia ohuba abaangi batyo.&#8221; 6#Rom 4:3; Gal 3:6; Yak 2:23.Abburamu naamala naafukiirira bi Omwaami yaboola. Sino syakera Omwaami yaamusangaalira, haandi yaamuyira koti omuundu muluungifu muno.</div><div class="p"> 7Mani Omwaami yamuboolera ati, &#8220;Niise Omwaami owahutusa mu syaalo sya Wuri esy'Abakaludiini, ohuhuberesa eloba lino libe elyao lyeene.&#8221; 8Nae Abburamu yamuteeba ati, &#8220;Omwaami Nasaae, ndaamanye endye ninjia ohuyira eloba lino ohuba elyaange?&#8221; 9Nae Omwaami yamukobolamo ati, &#8220;Ndeetere emoosi y'emyaaka kidatu, embusi subeeni y'emyaaka kidatu, ekoondi miiku ly'emyaaka kidatu, eguugu, neende ebburuuku.&#8221; 10Abburamu mani naamuleetera ebiindu bino byoosi. Ebisolo naabitemamo akatikaati, amahabi kabiri-kabiri; naata buli situundu ni sitiingalire esyaasye; nae amayoni haba siyakaataniamo daawe. 11Nae engosya nichakwichaangaho nichidaha ohubilya, Abburamu yachiirusaanga.</div><div class="p"> 12 # 
 Yob 4:13,14. Nae elyuuba nilyali nilikwa, endoolo ch'amaani chadiira Abburamu; nae bone, esiirima sya titititi sy'amaani syakwaao syamwiirimaho. 13#Hut 1:1-14; Biho 7:6.Mani Omwaami n'aboolera Abburamu ati, &#8220;Manya mubwadyeeri bweene oti, abeechuhulu bao bachia ohuba bawalukeenda mu syaalo sitaali esyaabwe; haandi bachia ohuba abawaambe ebweene eyo, haandi bachia ohubayira bubi nibabasaandya hulw'embaka y'emyaaka emia chine (400). 14#Hut 12:40,41; Biho 7:7.Nae njia ohusaandya esyaalo sichia ohubawaamba. Nae ebyo nibyahawe, bachia ohutulayo nibali neende emyaandu miingi muno. 15Nae ewe hulwao, ochia ohuyiindira ofwe mani osiihwe bulai. 16Bachia ohukobola ano hu lwiibulo olwohune, olwohuba esibonereso sy'Abaamoori sisisiiri ohuwa.&#8221;</div><div class="p"> 17Elyuuba nilyali nilikwiire, esiirima nisidiirire esyaalo, bone, endamu y'omuliro eyiniooha omwoosi neende esikeenga syaaduha omuliro, byabita akatikaati w'ebiindu byatemwamo ebituundu ebyo. 18#Biho 7:5.Hu ludaalo olwo, Omwaami yahola endagaano neende Abburamu n'aboola ati, &#8220;Njia ohuberesa abeechuhulu bao eloba lino, ohutulira elalira hu mwaalo kwa Misiri ohwoolera elalira hu mwaalo muhoongo kwa Ewufuraate. 19Haandi njia ohubaberesa eloba ly'Abakeeni, Abakenisi, Abakadumooni, 20Abahiiti, Abaperisi, Abarefaimu, 21Abaamoori, Abakanani, Abagirigasiti neende Abayebbusi.&#8221;</div>
 </div>
 </div>
</div>

©Bible Society of Kenya, 2019 ©Bible Society of Uganda, 2019

Ebyo nibyawa, Abburamu yaboneherwa, mani yaawulira Omwaami naamuboolera ati, “Abburamu otatya daawe, olwohuba njia ohuhuwonia mu bidinyu byao byoosi; haandi omukabo kwao kuchia ohuba omuhoongo muno.” Nae Abburamu yakobolamo yaboola ati, “Omwaami Nasaae, ochia ohumberesa omukabo siina? Olwohuba mbulaho omwaana yeesi, haandi omusiha yi ndi nae esiha sino yeeng'ene niye Elieseeri owa Damasiko.” Abburamu yaboola ati, “Bona, haba siwambaaho olwiibulo lwoosi; mani omwaana muwaambe owebulirwa mu daala lyaange niye sa ochia ohuba omusiha waange.” Mani bona, emboosi y'Omwaami yeechera Abburamu niyiboola yiti, “Omuwaambe wuno Elieseeri haba siniye ochia ohuba omusiha wao daawe; omwaana wao mweene niye ochia ohuhusihira sa.” Omwaami mani n'amutusa erwaanyi, naamuboolera ati, “Tingaala aakulu muukulu mani oteemeho ohubala eng'ining'ini, nooba n'onyala ohuchibala.” Mani naamuboolera ati, “Abeechuhulu bao bachia ohuba abaangi batyo.” Abburamu naamala naafukiirira bi Omwaami yaboola. Sino syakera Omwaami yaamusangaalira, haandi yaamuyira koti omuundu muluungifu muno.
Mani Omwaami yamuboolera ati, “Niise Omwaami owahutusa mu syaalo sya Wuri esy'Abakaludiini, ohuhuberesa eloba lino libe elyao lyeene.” Nae Abburamu yamuteeba ati, “Omwaami Nasaae, ndaamanye endye ninjia ohuyira eloba lino ohuba elyaange?” Nae Omwaami yamukobolamo ati, “Ndeetere emoosi y'emyaaka kidatu, embusi subeeni y'emyaaka kidatu, ekoondi miiku ly'emyaaka kidatu, eguugu, neende ebburuuku.” Abburamu mani naamuleetera ebiindu bino byoosi. Ebisolo naabitemamo akatikaati, amahabi kabiri-kabiri; naata buli situundu ni sitiingalire esyaasye; nae amayoni haba siyakaataniamo daawe. Nae engosya nichakwichaangaho nichidaha ohubilya, Abburamu yachiirusaanga.
Nae elyuuba nilyali nilikwa, endoolo ch'amaani chadiira Abburamu; nae bone, esiirima sya titititi sy'amaani syakwaao syamwiirimaho. Mani Omwaami n'aboolera Abburamu ati, “Manya mubwadyeeri bweene oti, abeechuhulu bao bachia ohuba bawalukeenda mu syaalo sitaali esyaabwe; haandi bachia ohuba abawaambe ebweene eyo, haandi bachia ohubayira bubi nibabasaandya hulw'embaka y'emyaaka emia chine (400). Nae njia ohusaandya esyaalo sichia ohubawaamba. Nae ebyo nibyahawe, bachia ohutulayo nibali neende emyaandu miingi muno. Nae ewe hulwao, ochia ohuyiindira ofwe mani osiihwe bulai. Bachia ohukobola ano hu lwiibulo olwohune, olwohuba esibonereso sy'Abaamoori sisisiiri ohuwa.”
Elyuuba nilyali nilikwiire, esiirima nisidiirire esyaalo, bone, endamu y'omuliro eyiniooha omwoosi neende esikeenga syaaduha omuliro, byabita akatikaati w'ebiindu byatemwamo ebituundu ebyo. Hu ludaalo olwo, Omwaami yahola endagaano neende Abburamu n'aboola ati, “Njia ohuberesa abeechuhulu bao eloba lino, ohutulira elalira hu mwaalo kwa Misiri ohwoolera elalira hu mwaalo muhoongo kwa Ewufuraate. Haandi njia ohubaberesa eloba ly'Abakeeni, Abakenisi, Abakadumooni, Abahiiti, Abaperisi, Abarefaimu, Abaamoori, Abakanani, Abagirigasiti neende Abayebbusi.”

듣기 Ohuchaaka 15