Cakacaka 1

Na Yalataki ni Yalo Tabu

1I Ceofilo, ena i matai ni vola, au sa vola kina na veika kece sa vakayacora ka vakatavuvulitaka o Jisu mai na i tekivu ni gauna#Luke 1.1-4 2me yacova na siga sa kau cake kina ki lomalagi. Ni bera na nona kau cake, a sa veivakaroti oti ena kaukauwa ni Yalo Tabu vei iratou ka sa digitaka o koya me ratou nona i apositolo. 3Ena loma ni 40 na siga ni oti na nona tucake tale mai na mate, a sa vakaraitaki koya vei iratou ena vuqa na sala sa vakadinadinataki kina ni sa bula tiko vakaidina o koya. Era sa raici koya, ka sa tukuna vei ira o koya na veika me baleta na Matanitu ni Kalou. 4Ia ni ratou sa soqoni vata, sa qai vakarota vei iratou o koya vakaoqo: “Dou kakua ni biuti Jerusalemi, ia dou waraka tikoga na i solisoli ka'u a sa tukuna oti vei kemudou, na i solisoli sa yalataka o Tamaqu.#Luke 24.49 5A sa veipapitaisotaki ena wai o Joni, ia dou na qai papitaisotaki ena Yalo Tabu ena vica ga na siga oqo.”#Maciu 3.11; Mari 1.8; Luke 3.16; Joni 1.33

Sa Kau Cake o Jisu

6Ni ratou sa soqoni vata yani vei Jisu, e ratou sa tarogi koya, “Turaga, o ni na vakalesuya tale beka na matanitu o Isireli ena gauna sara ga oqo, se segai?”

7Sa qai kaya vei iratou o koya, “E sega ni nomudou i tavi mo dou la'ki kila na kena gauna se na kena vula, ni sa lesia tu o ya o Tamaqu ena nona lewa ga vakai koya. 8Ia dou na vakasinaiti ena kaukauwa ni sa sobuti kemudou na Yalo Tabu, ka dou na qai noqu i vakadinadina e Jerusalemi, kei Jutia taucoko kei Samaria, ka yacova na i yalayala kei vuravura.”#Maciu 28.19; Mari 16.15; Luke 24.47,48 9Ni sa tukuna oti na veika oqo, ni ratou se vakaraici koya tu, a sa qai kau cake ki lomalagi, ka sa tabonaki koya mai na matadratou e dua na o.#Mari 16.19; Luke 24.50,51

10Ena gauna sa lako cake tiko kina o Jisu ka ratou se vakararai matua tikoga ki lomalagi na i apositolo, eratou qai kidacala ni sa duri tu e yasadratou e lewe rua na tamata sa vakaisulu vulavula. 11Erau sa qai kaya, “Oi kemudou na kai Kalili, a cava o dou sa tu ka vakararai kina ki lomalagi? O Jisu ka sa kau cake oqo ki lomalagi, ena lako tale mai ena sala vata ga dou sa raica ni sa lako kina ki lomalagi.”

Na i Sosomi kei Jutasa

(Maciu 27.3-10)

12E ratou sa mani lesu tale na i apositolo ki Jerusalemi mai na Ulunivanua ni Veiolive, ka sa rauta ga e dua na kilomita na kena yawa. 13Ni ratou sa yaco yani ki Jerusalemi, e ratou sa lako sara ki na rumu ena tabavale e cake ka ratou tiko kina: o ya o Pita, kei Joni, o Jemesa vata kei Adriu, o Filipe vata kei Tomasi, o Pacolomiu vata kei Maciu, o Jemesa na luve i Alifio, o Saimoni na Gumatua, kei Jutasa na luve i Jemesa.#Maciu 10.2-4; Mari 3.16-19; Luke 6.14-16 14E ratou sa dau sota vakawasoma me ratou dau masumasu vata, ka vakakina o iratou na yalewa, kei Maria na tina i Jisu, kei iratou na tacina.

15Ni oti e vica na siga, sa qai vakayacori e dua na nodra soqoni na vakabauta ka sa rauta ni 120 na kedra lewe levu. Sa qai tu cake ena kedra maliwa o Pita ka kaya, 16“Oi kemuni na veiwekani, sa dodonu me vakayacori oqo na veika sa kaya na i Vola Tabu, ena nona sa kaya na Yalo Tabu ena gusu i Tevita na parofisai me baleti Jutasa, o koya ka a la'ki vakatakilai Jisu vei ira sa vesuki koya. 17E a lewena tu na i lawalawa oqo o Jutasa, ni a sa digitaki o koya me vakaitavi ena noda cakacaka.”

18(A sa volia o Jutasa e dua na tiki ni qele mai na i lavo sa saumi kina na nona cakacaka ca, ka sa mate kina; ka sa kacabote na boto ni ketena, ka lutu kece mai ki tuba na wawa ni ketena.#Maciu 27.3-8 19A sa rogo yani na ka oqo vei ira kecega era tiko e Jerusalemi, ka ra mani vakatoka kina na vanua o ya ena nodra vosa, me o Akeletama, ka kena i balebale, “Na Vanua ni Dra’.)

20“Ni sa volai tu ena i Vola ni Same,

‘Me lala didi sara na nona vale,

Ka me kakua ni dua e tawana.’

Sa volai talega:

‘Me qai dua tani tale me taura na nona i tutu.’#Same 69.25; Same 109.8

21“Ena ka oqo, sa dodonu kina me na dua tale na tamata me na tomani kedatou me i vakadinadina ki na tucake tale mai na mate nei Jisu Karisito. O koya oqo me na dua vei ira sa dau sala vata tiko voli kei kedatou na i apositolo ena gauna taucoko ka tiko kina kei keda na Turaga o Jisu, 22me vakatekivu mai na veipapitaisotaki i Joni, ka yacova na siga sa kau cake tani kina mai na keda maliwa.”#Maciu 3.16; Mari 1.9; Luke 3.21; Mari 16.19; Luke 24.51

23Era sa qai vakatura mai e lewe rua: o Iosefo, ka sa vakatokai talega o Parisapa (ka yacana talega o Jusitu), ka kena i karua o Mataiasi. 24E ratou sa qai masu ka kaya, “Oi kemuni na Turaga, oi kemuni o ni sa kila na yalo ni tamata kecega, mo ni vakatakila mada mai se o cei vei rau oqo o ni sa digitaka, 25me taura na i tutu ni apositolo ka me sosomitaki Jutasa, o koya sa lako ki na vanua e dodonu me lako kina.” 26E ratou sa qai vakawirimadigitaki rau, ka sa mani golevi Mataiasi na madigi; ka sa mani okati kina o koya me i apositolo vata kei iratou na le tinikadua.

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

Cakacaka 1: FNVDC12

Highlight

ಶೇರ್

ಕಾಪಿ