CAWA'TA TUNITA 36
36
JAFNA VI ESAW
1Kayni mi jafna vi Esaw ma yum Edomna. 2Esaw yaw boyna valam jar gurona vi Kanaan: Ada goota vi Elon ma Hetiyena. Oholibama goota vi Ana, goota vi Sibeyon ma Heviyena; 3hiɗi Basmat goota vi Ismayel, ɓasum Nebayotta. 4Ada vuɗ Elifas mi Esaw, Basmat vuɗ Rewel; 5Oholibama vuɗ Yewus, Yayelam hiɗi Kore, nisi kayni si gurona vi Esaw sa nam vuɗsi hay nagat Kanaan. 6Esaw yaw boyna valam hiɗi gurona valam sa jufayna hiɗi sa boyna, sum sa hay ziyna valamna, farayna valamu, luwayna hiɗi slen kaf ma nam fum hay nagat Kanaan, nam kalay hay nagat tara'a, goy gine'e hiɗi ɓasulumna Yakub. 7Nam kaliya, kay farayna visi ŋolo, a nisi lak tam tuwsi kepɗi, liyn ma nisi lakay hayamna may as kay farayna visi petɗi. 8Esaw tuɗ mus kulo kay hiɗiyta Seyir. Esaw kayn mi Edom.
9Kayni mi jafna vi Esaw, bum Edom, hay li ma nisi ka kulo kay hiɗiyta Seyir. 10Kayni mi semda vi gurona vi Esaw: Elifas, goora vi Ada, cata valam nam Esaw, Rewel goora vi Basmat. 11Gurona vi Elifas nisi kayni: Teman, Omar, Sefo, Gayetam hiɗi Kenaz. 12Timna na' ti cata-sunda vi Elifas, goora vi Esaw, na' vuɗ Amalek mi Elifas, nisi kayni si gurona vi Ada cata vi Esaw. 13Kayni mi Sem gurona vi Rewel: Nahat, Zerah, Samma hiɗi Miza. Nisi kayni si gurona vi Basmat cata vi Esaw. 14Kayni mi sem gurona vi Oholibama; goota vi Ana goota vi Sibeyon cata vi Esaw: Yewus, Yayelam hiɗi Kore, na' vuɗsi mi Esaw.
15Kayn mi sem sum sa ŋulona vi jafna sa may goy hay Esaw pa: Kayni mi sem gurona vi Elifas, goor ma vuɗi jewna vi Esaw: mulla Teman, mulla Omar, mulla Cefo, mulla Kenaz, 16mulla Kore, mulla Gayetam, mulla Amalek, kayni si muliyan sa may goy hay Elifas, hay nagat Edom Pana. Nisi kayni si gurona vi Ada. 17Kayni mi sem gurona vi Rewel, goora vi Esaw: mulla Nahat, mulla Zerak, mulla Samma, mulla Miza. Nisi kayni si muliyan sa may goy hay Rewel, hay nagat Edom, nisi kayni si gurona vi Basmat, cata vi Esaw. 18Kayni mi sem gurona vi Oholibama, cata vi Esaw: Mulla Yewus, mulla Yayelam hiɗi mulla Kore. Nisi kayn si muliyan sa may goy Oholibama, goota vi Ana cata vi Esaw pana. 19Kayni mi sem gurona vi Esaw, kayni mi sem muliyana visiya hiɗi jafna visi kafe. Esaw mi Edom.
20Seyir ma Horiyena ma li ziy jew hay nagatna, kayni mi sem gurona valamu: Lotan, Sobal, Sibeyon hiɗi Ana. 21Dison, Etser, hiɗi Disan. Nisi kayni si muliyana vi sa Horiyena, gurona vi Seyir, hay nagata vi Edom. 22Gurona vi Lotan kayni: Hori hiɗi Hemam. Timna na' ti ɓasum Lotanta. 23Kayni mi sem gurona vi Sobal: Alvan, Manahat, Ebal, Sefo, hiɗi Onam. 24Kayni mi sem gurona vi Sibeyon: Ayya hiɗi Ana. Ana namna kayn mi ma fi kaar ma niyam riŋ goy ku keŋŋa hay fulda, hay li ma nam ka ŋom kurona vi bulum Sibeyon. 25Kayni mi sem gurona vi Ana: Dison hiɗi Oholibama goota vi Ana. 26Kayni mi sem gurona vi Dison Hemdan, Esban, Yitran hiɗi Keran. 27Kayni mi sem gurona vi Etser: Bilhan, Zaavan hiɗi Akan. 28Kayni mi sem gurona vi Disan: Us hiɗi Aran. 29Kayni mi sem muliyana vi sum sa Horiyena: Mulla Lotan, mulla Sobal, mulla Sibeyon, mulla Ana. 30Mulla Dison, mulla Etser, mulla Disan. Nisi kayni si muliyana vi Horiyena, muliyana sa hay nagata Seyir.
31Kayni mi sem sum sa ti mulda hay nagata vi Edom jew a mul mara mus kay gurona vi sa Israyella. 32Bela goora vi Bewor, ti mul kay Edom, sem hoyok-ziyna valam yum ala Dinhaba. 33Bela mita, Yobab goora vi Zerak ma Bosrana ti mul baŋalamu. 34Yobab mita; Husam ma hay nagat Temanna ti mul baŋalamu. 35Husam mita. Hadad goora vi Bedad ti mul hay baŋalamu. Namu mi ma ci sum sa Madiyanna hay fulda vi Mowab. Sem hoyok-ziyna valam yum ala Awit. 36Hadad mita, Samla ma Masrekana ti mul baŋalamu. 37Samla mita; Sawul ma hay Rehobot kel niy-lumna ti mul baŋalamu. 38Sawul mita, Baal-Hanan goora vi Akbor ti mul hay baŋalamu. 39Baal-Hanan goora vi Akbor mita, Hadar ti mul hay baŋalamu. Sem hoyok-ziyna valam yum ala Paw, sem cata valam ala Mahetabel, na' ti goota vi Matred, goota vi Mezahab.
40Kayni mi semda vi muliyana sa may goy vi Esaw pa, kuɗ jafsiya jafsiya, kuɗ nagata visiya visiya, kuɗ semda visiya visiya: Mulla Timna, mulla Alva, mulla Yetet. 41Mulla Oholibama, mulla Ela, mulla Pinon, 42mulla Kenaz, mulla Teman, mulla Mibsar. 43Mulla Magdiyel, mulla Iram. Nisi kayni si muliyana vi Edom, kuɗ nagat ta nisi cuki haya'ta haya'ta, hay nagat ta vi misita. Kayni mi Esaw bum Edom.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
CAWA'TA TUNITA 36: Massana
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001