NAI VAKATEKIVU 5
5
Ai tukutuku ni nodra yabaki na qase ka yacova na waluvu, 1-32; ai tukutuku kei Inoki, 21-24.
1Oqo nai vola ni kawa i Atama. E na siga sa bulia kina na tamata na Kalou, sa buli koya me ucuya na Kalou; 2sa buli rau me dua na tagane ka dua na yalewa; a sa vosavakalougatataki rau, ka vakatoka na yacadrau na Tamata, e na siga sa buli rau kina.
3A sa bula ko Atama ka dua na drau ka tolusagavulu na yabaki, a sa qai sucu e dua na luvena tagane a sa ucui koya ka sai tovo vata kaya, a sa vakayacani koya ko Seci; 4ia ni sa sucu ko Seci, sa bula tiko ko Atama, ka walu na drau na yabaki: a sa sucu eso tale na luvena tagane kei na luvena yalewa: 5ia na yabaki kecega ka bula kina ko Atama, sa ciwa na drau ka tolusagavulu na yabaki: a sa qai mate.
6A sa bula ko Seci ka dua na drau ka lima na yabaki, a sa qai sucu na luvena ko Inosi: 7ia ni sa sucu ko Inosi, sa bula tiko ko Seci, ka walu na drau ka vitu na yabaki, a sa sucu eso tale na luvena tagane kei na luvena yalewa: 8ia na yabaki kecega ka bula kina ko Seci sa ciwa na drau ka tinikarua na yabaki: a sa qai mate.
9A sa bula ko Inosi ka yabaki ciwasagavulu, a sa qai sucu na luvena ko Keinana: 10ia ni sa sucu ko Keinana, sa bula tiko ko Inosi, ka yabaki walu na drau ka tinikalima, a sa sucu na luvena tagane kei na luvena yalewa: 11ia na yabaki kecega sa bula kina ko Inosi sa ciwa na drau ka lima na yabaki: a sa qai mate.
12A sa bula ko Keinana ka yabaki vitusagavulu, a sa qai sucu na luvena ko Meelelieli: 13ia ni sa sucu ko Meelelieli, sa bula tiko ko Keinana, ka yabaki walu na drau ka vasagavulu, a sa sucu eso tale na luvena tagane kei na luvena yalewa: 14ia na yabaki kecega sa bula kina ko Keinana sa ciwa na drau ka tini na yabaki: a sa qai mate.
15A sa bula ko Meelelieli ka yabaki onosagavulu ka lima, a sa qai sucu ko Jereti na luvena: 16ia ni sa sucu ko Jereti, sa bula tiko ko Meelelieli, ka yabaki walu na drau ka tolusagavulu, a sa sucu eso tale na luvena tagane kei na luvena yalewa: 17ia na yabaki kecega sa bula kina ko Meelelieli sa walu na drau ka ciwasagavulu ka lima na yabaki: a sa qai mate.
18A sa bula ko Jereti ka yabaki dua na drau ka onosagavulu ka rua, ka sa qai sucu ko Inoki na luvena: 19ia ni sa sucu ko Inoki, sa bula tiko ko Jereti ka yabaki walu na drau, a sa sucu eso tale na luvena tagane kei na luvena yalewa: 20ia na yabaki kecega sa bula kina ko Jereti sa ciwa na drau ka onosagavulu ka rua na yabaki; a sa qai mate.
21A sa bula ko Inoki ka yabaki onosagavulu ka lima, ka sa qai sucu ko Mecusela na luvena: 22ka rau sa daulako vata kei na Kalou ko Inoki, ni sa sucu ko Mecusela, ka yabaki tolu na drau, a sa sucu eso tale na luvena tagane kei na luvena yalewa: 23ia na yabaki kecega sa bula kina ko Inoki sa tolu na drau ka onosagavulu ka lima na yabaki: 24ka rau sa daulako vata kei na Kalou ko Inoki: a sa yali eke: ka ni sa kauti koya tani na Kalou.
25A sa bula ko Mecusela ka dua na drau ka walusagavulu ka vitu na yabaki, a sa qai sucu ko Lemeki na luvena: 26ia ni sa sucu ko Lemeki, sa bula tiko ko Mecusela, ka yabaki vitu na drau ka walusagavulu ka rua, a sa sucu eso tale na luvena tagane kei na luvena yalewa: 27ia na yabaki kecega sa bula kina ko Mecusela sa ciwa na drau ka onosagavulu ka ciwa na yabaki: a sa qai mate.
28A sa bula ko Lemeki ka yabaki dua na drau ka walusagavulu ka rua, a sa sucu e dua na luvena tagane: 29a sa vakayacani koya ko Noa, ni sa kaya, O koya oqo ena vakalecataki keda e na noda oca kei na cakacaka ni ligada, e na vuku ni qele sa cudruva ko Jiova. 30Ia ni sa sucu ko Noa, sa bula tiko emuri ko Lemeki, ka lima na drau ka ciwasagavulu ka lima na yabaki, ka sa sucu eso tale na luvena tagane kei na luvena yalewa: 31ia na yabaki kecega sa bula kina ko Lemeki sa vitu na drau ka vitusagavulu ka vitu na yabaki: a sa qai mate.
32A sa lima na drau na yabaki i Noa, a sa sucu na luvena ko Semi, kei Ame, kei Jefeca.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
NAI VAKATEKIVU 5: FOV
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific