Yokana 5

1Akaulo kaŋun kojai epucit loka Iyudayan, kodoka Yesu Yerusalem. 2KoYerusalem ejai atapar ariri kerute loka amerekekin, nakenyaritai kAburanian Betesata, naejaas alomareta akany. 3Koperenenete lukadekak luipu kanen, imudukiok, ka luicodos, ka lukasenyak da, [lukidarito akulaun naka akipi, 4Naarai keiai apak nakedokununia emalaika loka Ejakait atapar, kigur akipi: aso yenikegei alomar kedaun aigur akipi koŋaleuni adeka kere nakikamunit.] 5Kojai nen etuŋanan, lokedeka ikar akaisauni ka lukanykauni. 6Nakeanyunia Yesu ŋol eperi kojen ebe kikoni nen ikar luipu, kotema ŋes atiar, “Ikoto aŋaleun?” 7Koboŋok lokadekan ebe, “Ejakait, emamei eoŋ etuŋanan lokebwaikini eoŋ atapar naitukulaunere akipi, konye naalosio, kageikini icetuŋanan adokar.” 8#Mat 9:6. Kotema Yesu ŋes atiar, “Konyou, kibwok akonikapet, kolot.” 9#Yok 9:14. Atipet koŋaleu etuŋanan ŋol, kibwok akekapet, kolot.

Kerai da apaaran ŋin nakasabato. 10#Nek 13:19; Yer 17:21; Luk 6:2. Kanuka ŋun kolimokis Iyudayan etuŋanan lokitaŋaleunio ebe, “Erai lolo nakasabato, mam ibus jo aibwok akonikapet.” 11Konye Koboŋok ebe, “Ŋol loketaŋaleuni ŋes kalimokini ebe, ‘Kibwok akonikapet, kolot.’ ” 12#Luk 5:21. Kiŋita ebe, “Iŋai bo ŋol lokilimokini ebe, ‘Kibwok, kolot?’ ” 13Konye etuŋanan lokitaŋaleunio mam kejeni ebe erai iŋai, naarai koekarite Yesu, naarai ajaas ituŋa luipu aibois ŋin, 14#Yok 8:11. Kokau kaŋun kodum Yesu ŋes koyekalu, kotema ŋes atiar, “Koany, iŋaleu! Sirikidiaka bobo, kinyek akirot naerono adepar ŋin adoikin jo.” 15Kolot etuŋanan kolimok Iyudayan ebe kerai Yesu lokitaŋaleuni ŋes, 16#Mat 12:14. Kanuka ŋun kimanata Iyudayan Yesu, naarai kiswamai ŋun kapaaran nakasabato. 17#Yok 9:4. Konye Koboŋok Yesu kes ebe, “Iswamai Papaka kiton kwana, eoŋ da eswamai.” 18#Yok 7:30; 10:33. Aso kanuka akirot kaŋin kiyatakis Iyudayan amoot aiar Ŋes, naarai mere bon aibil asabato, konye kanu anyaritor Edeke Papake, kitiriana da ka Edeke.

19 # Yok 3:11,32. Aso Koboŋok Yesu kotema kes atiar, “Abeit, abeit, katemari yes atiar, Mam Okoku epedori aswam adiokirot elopet, dimarai ŋin naeanyuni ŋesi Papa iswamai; naarai nuiswamai Papa kere, ŋupeŋun iswamai Okoku da. 20#Yok 3:35. Naarai emin Papa Okoku, itodikini ŋes kere nuiswamai ŋesi elopet; itodikini da aswamisio nuitelekarito ŋun, tetere yes iwumokinete. 21Naarai kwape itajaria Papa lukatwak ka ainakin kes aijar, kwaŋin einakinia Okoku da ŋul luekot aijar. 22#Dan 7:13,14; Asw 17:31. Mam Papa etubokini idiotuŋanan kere akiro, konye ainak Okoku etube kere, 23#Pil 2:10,11; 1 Yok 2:23; Luk 10:16. tetere ituŋa kere itopoloorete Okoku, kwape itopolooritotor Papa. Ŋin yenimam itopoloori Okoku mam itopoloori Papa da lokijukuni. 24#Yok 3:16,18; 8:51; 1 Yok 3:14. Abeit, abeit, katemari yes atiar, ŋin yeniirari akakirot ka aiyuun ŋol lokejukuni, ejaas kaijar naka ikar kere; kwabo mam elomari toma atubokinio, konye anyou kotoma atwanare aloma aijar.

25 # Mat 8:22; Pes 2:5,6. “Abeit, abeit, katemari yes atiar, Ebunit esawa, ejai da kwana, loiirariata lukatwak eporoto loka Okoku loka Edeke, ŋul da luiirarete ejarete, 26#Yok 1:1-4. Naarai kwape ejaatar Papa aijar kotomakeŋ, kwape kwaŋin abu koinak Okoku da ajaut kaijar kotomakeŋ; 27#Dan 7:10,14; Yok 5:22. koinak ŋes apedor naka aitub, naarai erai Okoku loka etuŋanan, 28Sirikiwumokis akiro nu; naarai ebunit esawa, loiirariata ituŋa kere luejaas toma atesin ekeporoto, 29#Dan 12:2; Yok 6:40; Mat 16:27. elomunete; ŋul luiswamato nuejok mama ejai ajarun naka aijar; ka ŋul da luiswamato nueroko, mama ejai ajarun naka atubokinio.

30 # Yok 5:19; 6:38. “Mam eoŋ apedori aswam adiokirot kanukaŋ elopet; kwape eiraria, kwape kwaŋin atubio: ekatube da erai lokabeit, naarai mam amoot nuakot eoŋ dimarai nuekot ŋol lokejukuni. 31#Yok 8:14. Arai ketejenu eoŋ nukaŋ elopet, akaitejenun mam erai nakabeit; 32#Yok 5:36,37; 1 Yok 5:9. ejai ece loitejenuni nukaŋ, ajeni eoŋ ebe akeitejenun naitejenunia nukaŋ erai nakabeit. 33#Yok 1:19-27; 3:27-30. Ipotu yesi kijukut ituŋa mama ejai Yokana, kitejenu ŋesi abeit. 34Konye eoŋ mam adumuni aitejenunio naebuni kotuŋa; konye enera eoŋ nu tetere yes kitajario. 35#Luk 1:17. Kerai ŋol atala naenoki kocai, yes da ikotos aisiyalamikin akeica apak naedit. 36#1 Yok 5:9; Yok 1:33; 3:2. Konye aitejenun nakijaar eoŋ erai naepol adepar naka Yokana; naarai aswamisio nukainakinit Papa aitodolikin, aswamisio akulepek nueswamai, itejenunito nukaŋ ebe, kejukunit Papa. 37#Mat 3:17; Mk 1:11; Luk 3:22; Ikis 4:12. Papa da lokejukunit, etejenunit nukaŋ, Mam yes iirarito ekeporoto apaarasia kere, karaida aanyun akeput. 38Mam da akekirot esalit tomakus, naarai mam yes iyuunitos lokijukuni ŋesi. 39#Luk 24:27,44; 2 Tim 3:15-17; 1 Pet 1:11. Imoete kotoma nukiwadikatai, naarai iwomito ebe ijaunete kaijar naka ikar kere kotomakec; ŋun da itejenunito nukaŋ; 40kwabo iŋerete aponare mamakaŋ tetere ijaunete kaijar. 41Mam eoŋ adumuni aibuses kotuŋa. 42Konye kajeni yes, ebe emamei amin naka Edeke kotomakus. 43#Mat 24:5. Abu kabu kokiror loka Papaka, mam yes kisukunyikis eoŋ; arai kebu ece kokirorike elopet, isukunyikinete ŋol. 44#Yok 12:43; Mat 23:5-7. Ipedorete biai aiyuun, yes luidumanakinos aibuses bonik komam imoete aibuses naebuni kama ejai Edeke ediopet bon? 45#Ikis 31:26. Siriwomito ebe kewosai yes kama ejai Papa; ejai lokiwosai, ŋes Musa, loimunosi yesi. 46#Age 3:15; 49:10; Ikis 18:15. Naarai arai kiyuunito Musa, tikiyuut eoŋ da, naarai abu ŋesi kiwadika nukaŋ. 47#Yok 7:19; Luk 16:31. Konye arai mam iyuunito akeiwadikaeta, ikwaikinete ai iyuunete akakiro?”

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

Yokana 5: AOV1961

Highlight

ಶೇರ್

ಕಾಪಿ