Yokana 15

1 # Yer 2:21; Sab 80:8. “Arai eoŋ emusabibu lokabeit, Papaka da ŋes lokeswaman. 2#Mat 15:13. Ŋinitenu kotomakaŋ namam erai araito, elemari ŋesi, ka ŋinitenu da naerai araito igweri, tetere iyatakini aira araito. 3Idaut yesi araut luilaete kanuka akirot nakalimokinit. 4Kosalakis tomakaŋ, eoŋ da tomakus. Kwape mam epedoria atenu aira araito alopet bon, arai mam esalit toma omusabibu, kwape kwaŋin yes da mam ipedorete, arai mam isalito tomakaŋ. 5#1 Kor 12:12,27; 2 Kor 3:5. Arai eoŋ emusabibu, iraas yesi atenun. Yenesalit tomakaŋ, eoŋ da tomakeŋ, erai ŋin araito nuipu, naarai neamamea eoŋ mam ipedorete ibore. 6#Mat 3:10; 13:40. Ituŋanan arai mam esali tomakaŋ, ecakario kiŋa kwape katenu, erinyori; etukokinio atenuna, ecakakinio akim, kidoposi. 7#Mk 11:24. Arai isalito tomakaŋ, akakiro da esalito tomakus, kilipata nuikotosi kere, kiswamakinio. 8#Mat 5:16. Itopolooritai Papaka kotoma nu arai iraete yesi araito nuipu, iraunos da ikakesisiak, 9Kwape kaminar Papa, eoŋ da kamina yes kwape kwaŋin; kosalata toma aminaka. 10#Yok 8:29; 14:15; 1 Yok 2:4,8. Arai iricete akaicorakineta, isalete toma aminaka, kwape aricitor eoŋ aicorakineta nuka Papaka, asalit da toma aminake. 11#Yok 17:13. Kalimokis yes akiro ŋun tetere ejaun aiyalamaka tomakus, kitodolikinoi da aiyalamakus.

12 # Yok 13:34; 15:17; 1 Yok 3:11,23; 2 Yok 1:5; Mk 12:30. “Na ŋes akaicorakinet ebe Kominanaros, kwape abu kaminar yes, 13#Yok 10:12; 1 Yok 3:16. Emamei yenejaas kamin naepol aitelekarit na, ituŋanan ainakin akeijar kanuka ipaperoke. 14#Yok 8:31; Mat 12:50; 28:20. Iraas yesi ikapapero arai iswamaete nukecorakini yes. 15Mam kanyarit bobo ibulesin, naarai ebulesit mam ejeni nuiswamai ejakaitike, konye kanyara yes ikapapero, naarai ketejenu yes kere nueirarit kama ejai Papaka. 16#Yok 6:70; 13:18. Mere yes kiseunete eoŋ, dimarai eoŋ kaseu yes, kadakak yes tetere ilosete koraata araito, araitokus da kosalito; tetere nuilipete Papa kere kokirorika, kiinakini. 17Kecorakini yes ŋun tetere iminanaros.

18 # Yok 7:7; 1 Yok 3:13. “Arai kilai yes akwap, kojenutu ebe abu kala eoŋ eriŋa elaa yes. 19#1 Yok 4:5; Yok 17:14; Luk 6:22. Arai kiraas lukakwap, tiemina akwap yenerai yenikeŋ; konye naarai mam iraas lukakwap, konye abu kaseu yes kotoma akwap, kanuka ŋun ŋes kilaia yes akwap. 20#Mat 10:24; Luk 6:40; Yok 13:16. Kiitunito akirot nakalimokinit yes ebe, Mam ebulesit itelekarit ejakaitike kapolou. Arai kareito eoŋ, kireete yes da; arai kericito akakirot, ericete nakus da. 21#Yok 10:22; 16:3; Mat 5:11; Mk 13:13. Konye kiswamakinete yes ŋun kere kanuka ekakiror, naarai mam ejenete lokejukunit, 22Arai kemam abunit einer kakes, timam ejaas karonis; konye kwana mam eiyaros karonisikec. 23#Yok 5:23; 1 Yok 2:23; Luk 10:16. Yenikaŋara eoŋ eŋara Papaka da. 24#Yok 14:11. Arai mam keswamat kamakec aswamisio numam icetuŋanan iswamat, timam ejaas karonis, konye kwana kaanyut kaŋarut eoŋ ka Papaka da. 25#Sab 35:19; 69:4. Konye itodolikinio akirot naewadikatai kotoma okisilakec ebe, ‘Apotu kalaata atitai.’ 26#Yok 14:26; Luk 24:49. Konye kebu Ekayuunan, lokejukakini yes anyoun kama ejai Papa, ŋes Emoyo Lokabeit, loebuni kama ejai Papa, itejenuni ŋol nukaŋ; 27#Luk 1:2; Asw 1:8; 5:32. Yes da itejenunete, naarai ijaas keoŋ ameun kageunet.

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

Yokana 15: AOV1961

Highlight

ಶೇರ್

ಕಾಪಿ