मत्ती 1
1
यीशु मसीह का पितरों का नौ की सूची
(लूका 3:23-38)
1प्रभु यीशु मसीह का पितरों का नौ की सूची इन च, कि यीशु जु की राजा दाऊद का वंश मदि, अर राजा दाऊद अब्राहम का वंश मदि छौ। अर पितर अब्राहम बटि यीशु मसीह तक जनम्यां लोगु का नौ कुछ इन छिन।
2पितर अब्राहम बटि इसहाक को जनम ह्वे,
अर इसहाक बटि याकूब को जनम ह्वे,
अर याकूब बटि यहूदा को जनम ह्वे,
अर याकूब की और भि औलाद छै।
3यहूदा बटि पेरेस अर जोरह को जनम ह्वे,
अर ऊंकी माँ को नौ तामार छौ,
अर फिरिस बटि हिस्रोन को जनम ह्वे,
अर हिस्रोन बटि एराम#1:3 पुरणा नियम मा एराम तैं राम नौ से बुलये जान्दु। को जनम ह्वे।
4अर एराम बटि अम्मीनादाब को जनम ह्वे,
अर अम्मीनादाब बटि नहशोन को जनम ह्वे,
अर नहशोन बटि सलमोन को जनम ह्वे।
5अर सलमोन बटि बोअज को जनम ह्वे,
अर बोअज की माँ को नौ राहाब छौ,
अर बोअज न रूत बटि ब्यौ कैरी,
अर ऊंका नौना को नौ ओबेद छौ,
अर ओबेद बटि यिशै को जनम ह्वे।
6अर यिशै बटि राजा दाऊद को जनम ह्वे,
अर दाऊद बटि सुलैमान राजा को जनम ह्वे। (अर यू वीं जनानि बटि पैदा ह्वे जु पैलि ऊरिय्याह#1:6 ऊरिय्याह की घरवळी को नौ बेतशेबा छौ। अर राजा दाऊद न ऊरिय्याह तैं मरवै दिनी, अर खुद वेन वीं से ब्यौ कैरियाली छौ (2 शमू 11)। कि घरवळी छै)।
7अर सुलैमान बटि रहबाम को जनम ह्वे,
अर रहबाम बटि अबिय्याह को जनम ह्वे,
अर अबिय्याह बटि आसा को जनम ह्वे।
8अर आसा बटि यहोशाफात को जनम ह्वे,
अर यहोशाफात बटि योराम को जनम ह्वे,
अर योराम बटि उज्जियाह को जनम ह्वे।
9अर उज्जियाह बटि योताम को जनम ह्वे,
अर योताम बटि आहाज को जनम ह्वे,
अर आहाज बटि हिजिकिय्याह को जनम ह्वे।
10अर हिजिकिय्याह बटि मनश्शिह को जनम ह्वे,
मनश्शिह बटि आमोन को जनम ह्वे,
अर आमोन बटि योशिय्याह को जनम ह्वे।
11अर एक बगत इन ऐ, कि बेबीलोन देस का राजा न यहूदियों तैं युद्ध मा हरै दिनी, तब वु ऊंतैं अपणा देस बेबीलोन कू लि गै। अर वे बगत पर योशिय्याह को नौनु यकुन्याह को जनम ह्वे। अर वेका बाद यकुन्याह का और भि भैयों न जनम लिनी।
12अर जब ऊ बेबीलोन देस मा रौण लगि गैनी,
त वे बगत यकुन्याह बटि शालतिएल को जनम ह्वे।
अर शालतिएल बटि जरुब्बाबिल को जनम ह्वे।
13अर जरुब्बाबिल बटि अबीहूद को जनम ह्वे,
अर अबीहूद बटि इल्याकीम को जनम ह्वे,
अर इल्याकीम बटि अजोर को जनम ह्वे।
14अर अजोर बटि सदोक को जनम ह्वे,
अर सदोक बटि अखीम को जनम ह्वे,
अर अखीम बटि इलीहूद को जनम ह्वे।
15अर इलीहूद बटि इलियाजार को जनम ह्वे,
अर इलियाजार बटि मत्तान को जनम ह्वे,
अर मत्तान बटि याकूब को जनम ह्वे।
16अर याकूब बटि यूसुफ को जनम ह्वे।
अर यूसुफ न मरियम बटि ब्यौ कैरी, अर मरियम बटि यीशु को जनम ह्वे। अर वे ही यीशु कू मसीह बुले जान्दु। 17त इनकै पितर अब्राहम बटि राजा दाऊद तक चौदह पीढ़ी ह्वेनि। अर राजा दाऊद बटि लेके यहूदियों का बेबीलोन देस मा बन्धी बणै के लि जाण तक चौदह पीढ़ी ह्वेनि। अर बेबीलोन मा रौण का बगत बटि लेके यीशु मसीह तक चौदह पीढ़ी ह्वेनि।
यीशु को जनम
(लूका 2:1-7)
18जब मरियम की मांगण यूसुफ का दगड़ा मा ह्वे गै छै, त ऊंका ब्यौ होण से पैलि ही इन पता चलि गै, कि वा परमेस्वर की पवित्र आत्मा की ताकत से गरवति च। 19अर यूसुफ जु की परमेस्वर की नजर मा एक धरमी मनखि छौ। जब वेतैं इन पता चलि कि वा गरवति च, त वेन अपणा मन मा इन ठाणि दिनी, कि चुपचाप वीं से मांगण तोड़ि द्यो। किलैकि उ वींतैं बदनाम नि करण चाणु छौ। 20अर जब उ यों सब बातों का बारा मा सुचणु ही छौ, कि एक दिन वेतैं सुपन्या मा प्रभु को एक दूत दिखै। अर वेन वेकू बोलि कि, “हे यूसुफ, तू जु दाऊद का वंश मदि छैई तू मरियम का दगड़ा मा ब्यौ करण से नि डौऽर, किलैकि जु बच्चा वींका कोख मा च, उ परमेस्वर की पवित्र आत्मा की ताकत से च। अर मि त्वेतै बतै देन्दु कि, 21‘वा एक नौना तैं जनम द्याली। अर तू वेको नौ यीशु#1:21 यीशु नौ को मतलब च कि, “प्रभु बचौन्दु च।” रखी किलैकि #भजन 130:8 उ अपणा लोगु तैं ऊंका पापों बटि छुटकारा द्यालु।’” 22अर यू सब इलै ह्वे, ताकि जु वचन प्रभु न अपणा रैबर्यों का द्वारा बुलवै छौ, उ पूरु ह्वे जौ। 23अर उ वचन इन च कि,
#
यशा 7:14; 9:6,7 “सुणा, एक कुंवारी#1:23 एक इन नौनि जिं न कै बैख दगड़ा मा सरील को रिश्ता नि बणै। नौनि गरवति होलि अर एक नौना तैं जनम द्याली,
अर वेको नौ इम्मानुएल रखै जालु,”
जैको मतलब च कि “परमेस्वर हमरा दगड़ा मा च।”
24अर इथगा मा यूसुफ की निन्द खुलि गै। अर जन प्रभु का दूत न वेकू बोलि छौ वेन ठिक उन्नि कैरी, अर मरियम का दगड़ा मा ब्यौ कैरिके वींतैं अपणा इख लेके ऐ गै। 25अर जबरि तक वींन नौना तैं जनम नि देई, तबरि तक यूसुफ मरियम का दगड़ा मा नि सै। अर जब नौनो को जनम ह्वे, त यूसुफ न वेकू नौ यीशु रखी।
अर इनकै यीशु को जनम ह्वे।
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
मत्ती 1: GBM
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
