Yowani NDANGIRISO
NDANGIRISO
Yowani iwáanjikaa chine chitabo. Oyu Yowani ábaa muuma mwa ndumwa ekumi ne'biri sa Yesu. Yeine áchiloreraa kwa myasi era ǎnjikire mwe'chine chitabo. Ne'i myasi, yeke àtaitondekire ngo'kwa Matayo na Mariko na Luka batúla baítondekire.
Áanjikaa chine chitabo chasiya ola ungásoma'chi ěmerere kwa Yesu ina Kirisito, Mwana wa Ongo. No'la ungámwemerera mwa muchima wai angábona ekalamo kurengera esina lyai (Yowani 20:31). Mwe'chine chitabo, Yowani àserire kwa mwasi ùtechire mbu Yesu àli Ongo. Si kanji alósise kwa Yesu áhubaa mundu, era kufa kwa musalaba chasiya ebakosi be'bibi babóne ekalamo ke'suku ne'mango.
Yowani àhambere era luulu sa bisomerano birinda na myasi erinda inenene era Yesu átetaa kwa kulosa kwa análi Ongo. Yesu átetaa mbu: «Nyono nyi mukati we'kalamo (Yowani 6:35 48)... nyono nyinárechire ebulangare mwa butala (Yowani 8:12; 9:5)... nyono nyiri lwisi (Yowani 10:7, 9)… nyono nyi mungere mubuya (Yowani 10:11, 14)… nyono nyinénde nômwola ebafu kanji nyinénde nêresa ebandu ekalamo (Yowani 11:25)… nyono nyi njira, nyi kanangana kanji nyi kalamo (Yowani 14:6)… nyono nyiri muchi we'musabibu we'kanangana (Yowani 15:1, 5)».
Mwa myasi ibere-bere ye'chine chitabo, Yowani àtechire mbu: «Mwa ndangiriso, era muhondo se'kubumba chira kandu, Wachinwa, kukuteta mbu Yesu Kirisito ábaa era anátula'o. Kanji mwe'si suku, Wachinwa ábaa àli ala'uma na Ongo, kanji i'wánabaa Ongo kanangana. Ongo ábumbaa ebindu byoshi, kurengera Wachinwa.» Oyu Wachinwa era kuhuba mundu. Mwa chimbi chisinda che'chine chitabo, Yowani àtondosise myasi inene era luulu se'kwômoka kwa Yesu na kute éndee áchilosa kwa banafunzi bai era nyuma se'kwômoka kwai.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Yowani NDANGIRISO: tbt
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
© 2017 Wycliffe Bible Translators, Inc.